Latest News

NGO Co-Ordination Committee te dodalna hnuaiah Serchhip-ah Republic Day hman a ni

Mizoram-a tlawmngai pawl hrang hrang telna, NGO Co-Ordination Committee te dodalna hnuaiah India Republic Day vawi 70-na chu Inrinni khan Mizoram hmun hrang hrangah hman a ni a, Serchhip-ah pawh District Bawrhsap, Sangchhin Chinzah chuan Serchhip IOC Veng-a a Pisa tual-ah Hnam Puanzar hi a pawtparh a ni.
Mizoram-a tlawmngai pawl hrang hrang telna, NGO Co-Ordination Committee chuan India sawrkar in Citizenship Amendment Bill-2016 pass tura hma a la mek leh Lok Sabha-a pass tawh duhloh lantira Rajya Sabha-a pass a nih lohna turin India Republic Day vawi 70-na hi an boycott a. Amaherawh chu Zirtawpni tlai khan Mizoram Kohhran Hruaitute Committee (MKHC) Palai-na hnuaiah sawrkar aiawh leh NGO Co-Ordination Committee te chuan inremna neiin District Hqrs. ah chuan District Bawrhsap ten an Pisa kawt-ah Hnam Puanzar hi an pawhparh remtih niin hemi ang hian Inrinni chawhma dar 11:00 khan Serchhip District Bawrsap, Sangchhin Chinzah chuan Serchhip IOC Veng-a a Pisa tual-ah Hnam Puanzar hi a pawtparh a, he hun hi Serchhip SP, R. Sathiyasundaram, IPS leh Serchhip DC Office-a Officer leh Police hotu ten an telpui a, midang tel erawh an awm lo a, Bawrhsap hian mipuite hnena thuchah a sawi tur pawh sawi lovin National Anthem pawh sak a ni lo a, hun reilote chauh hman a ni.
NGO Co-Ordination Committee ten India Republic Day an boycott avang hian Serchhip DC’s Playground-a a lawmna neih tura ruahman tawh chu Zirtawpni khan chawpchilh taka \hulh a ni a, helai hmuna mipui leh zirlai naupang kal turte dang turin NGO Co-Ordination Committee-a tel tlawmngai pawl hrang hrang Member te chu Inrinni zing a\ang khan College peng-ah hian an duty a, hei bakah hian IOC Veng-a DC Office panna kawngpui pawh dangchatin mipui kaltlang rem tih a ni lo a, Police zingah pawh Hnam Puanzar chibai buk turte chu kaltlang phal ni lovin Officer leh venhimna hna thawk tur bik chiah kaltlang tir an ni a, buaina leh harsatna lian thleng lovin Hnam Puanzar hi pawhparh niin Republic Day puala DC chenna In-a At Home Tea Party neih tura ruahman pawh \hulh a ni bawk.
Inrinni vek khan NGO Co-Ordination Committee, Serchhip chuan thuchhuah siamin NGO Coordination thuchhuak anga duty tura inbuatsaih YMA , MHIP, MUP leh MZP Members duty-a chhuak zawng zawngte chungah lawmthu an sawi a. Ram leh hnam tana an inhuamna leh an \anrualna ah lawmthu an sawi bawk.

Comments

Popular News (Last 30 Days)