Latest News

MSU Pisa hawn \an a ni

Mizo Students’ Union (MSU) General Hqrs. chuan Aizawl-a an Pisa pui, Zirlaite Run chu kumin atan an hawng leh ta.
Nimin a Zirlaite Run hawnna hunah hian MSU General Hqrs. President, Vanlal-liana Khiangte chuan MSU chu kharchawng pawl a ni lo tih sawiin, issue a lak tawh reng reng a tawp thleng lovin a kalsan ngai lova. Boruak tihrik hluai a rehsan leh si emaw, mi issue lak tawh lak hnan emaw chu MSU kalphung a ni lo tih a sawi.
He hunah hian MSU President chuan, “Mizoram School timing hman mek chu zirlaite leh Mizo khawtlang tan a \hat tawk loh avangin sawrkar policy a nih anga a hma anga zing dar 9:00 a\anga tlai dar 3:00 a School kal leh chu MSU duhdan a ni reng a, hei hi School Session thar a\anga hman tan a nih ngei theih nan MSU chuan a bawhzui dawn a ni,” a ti. CADC area leh Mizoram hmun hrang hranga dan lova khaw din te chu MSU chuan \hiah ngei a nih theih nan chak takin hma a la dawn tih pawh sawiin, “Kum 2016 February thla a dan lova khaw din Bangladesh a\anga rawn lut Chakma awmkhawmna, Tuichawngchhuah a School a kan avanga kan hruaitute man an lo nih tawhna hmuna January 2019 thla a In sak belh leh a ni chu Court zahlohna leh Mizo hnam hmuhsitna lian tak a ni a. Chakma foreigner te hi rang taka dapchhuah leh umchhuah an nih theih nan MSU chuan Birth Certificate Physical Verification a rang thei ang berin a nei dawn a ni,” a ti bawk.
Hei bakah hian MSU President chuan Mizo zirlaite zirna kawnga puihna tur Educational Trust Foundation din a ni dawn tih pawh sawiin, hei hian zirlai harsa leh rampawn lama zirna chhunzawm duhte a \anpui dawn a. Zirlaite an zirlai leh All India Services luhchilhna kawnga puihtu tur Personality Development Programme kalpui a ni dawn bawk tih a sawi a. Mithiam bik ni si lo Pensioner rawih nawn te chu nawr kher ngai lova anmahni lo inthiarfihlim mai turin a chah bawk.

Comments

Popular News (Last 30 Days)