Tuichang Lei dawh mek Home Minister in tlawh

Home Minister leh Hrangturzo bialtu MLA, Lalchamliana chuan Kei\um leh Khawlailung inkara Tuichang Lei dawh mek a tlawh a, he Lei dawh hna hi kumin chhunga zawh hman tura thawktute a beisei thu a sawi.

A bial chhung khaw hrang hrang tlawha zin Home Minister, Lalchamliana hian Zirtawpni khan Kei\um to Ar\ahkhawn Road-a Tuichang Lei dawh mek hi tlawhin, he Lei dawh\hat hna kal mek chu chak taka kalpui anih theih na tur a hma a lak dawn thu leh kumin (2019) chhung hian he Lei hi dawhzawh fel hman anih a beisei thu a sawi a. N.Vanlaiphai leh Chekawn inkar kawng pawh National Bank for Agriculture and Rural Development (NABARD) sum a hmang siam\hat tur anih thu a sawi bawk.

Mizoram khawchhak lam Tuichangral khaw hrang hranga khualzin veivak leh lirthei chitin ten \angkai taka an hman mek Tuichang Lei (Built-up Steel Ginder Bridge) hi kum 1982-a dawh kha niin he Lei hi a hlui tawh bakah a chak tawk tawh loh hle a, Lei thar ‘PSC Ginder Bridge’ dawh tura hma la mektu M/S Sadguru Engineers & Allied Service Pvt. Ltd .Guwahati te hian Lei thar dawh hna hi Rs. 751,08,989.70 in an lo thawk tawh a, Lei dawh hna hi nikum hmasa Dec. 1 a\anga thawh \an niin nikum Dec. 1 khan zawhfel hman tura tih a ni a. Amaherawh chu engemaw rokhawlhna avangin Lei dawh dan tur hi tih danglam leh niin hei vang hian hnathawh kallai pawh hun engemaw chen a khaihlak tawh a. He hna hi zawh thuai a nih theih nan bialtu MLA hian hma a lak dawn thu leh kumin chhunga zo hman tura a beisei thu thawktute chu a hrilh a ni.