Latest News

Consumers’ Union in hmalakna tur hrang hrang an rel

Mizoram Consumer Union (MCU) chuan Mizoram puma eirawng-bawlna gas Subsidy Consumer te hnena lut mumal lo chungchang chhui chiang tur leh \ha taka a luh theihna tura hmala turin Mizoram sawrkar a ngen.
Hemi chungchang hi MCU Executive Committee Meeting Zirtawpni-a Aizawl Zodin Square-a an pawl Pisaa neihah sawiho a ni a, member te chuan Gas Agent leh Bank te thil ti diklo zawka inpuhtawnna awm chungchangte sawi chhuakin, thil diklo chhuichhuaka tidik thuai tura Food, Civil, Supplies & Consumer Affairs Department an beisei thu an sawi a, hemi chungchangah hian MCU hotute chuan Food, Civil Supplies & Consumer Affairs Minister hmuh thuai an tum a ni.
Hei bakah hian MCU chuan kumin sawrkar kum atana sawrkar laipuiin Mizoram tana Consumer Welfare Fund a pek cheng vbc 10, tun thlenga la pekchhuah loh chungchang pawh sawihoin, hetah hian member te chuan Mizoram sawrkar hmasa khan he Fund atana cheng vbc. 10 sawrkar laipuiin a ruahman chu cheng vbc. 8-a tihtlem an rawt nia an hriat thu sawiin, hei hi \ha lo an tih thu an tarlang a, kim taka he sum hi hmuh a nih theih nan leh \angkai taka hman a nih theih nan Mizoram sawrkar in a tum ve tur thlenga kim taka pek chhuah dan tur ngaihtuah turin Food, Civil, Supplies & Consumer Affairs Department an phut bawk.
MCU Meeting-ah hian Maxi Cab fare, Taxi fare leh Two Wheeler Taxi fare sawrkar dan siam aia tama lak chungchang pawh tarlan a ni a, MCU hruaitute chuan hemi chungchangah hian Transport Minister, TJ. Lalnuntluanga hmua dik taka thil tih dan tur sawipui an tum dawn a ni. Heng bakah hian kumin February thla a\anga Jet Airlines-in Mizoram tlawha service tihtawp a tum chungchang leh hemi avanga Mizo mipuiten harsatna an tawh dan tur chungchangte sawiho a ni a, Mizote mamawh phuhru tura thlawhna service dang neih theih dan tur Mizoram sawrkarin ngaihtuah thuai se an duh thu pawh sawiin, Telecom Regulatority Authority of India (TRAI)-in Cable TV lakna tur rate a siam thar zulzuia LPS leh ZONET ten Cable TV lakna tur rate an siam chungchang leh a kaihhnawih thildangte an sawiho bawk.

Comments

Popular News (Last 30 Days)