Citizenship (Amendment) Bill duhlohna lantirnan ‘Hnam chhanna Kawngzawh’ neih a ni dawn

/
Mizo Zirlai Pawl (MZP) chuan The Citizenship (Amendment) Bill, 2016 duhlohna lantir tura hma la zelin January 23, 2018 hian Mizoram pumah ‘Hnam chhanna Kawngzawh’ neih nise an ti a. Prime Minister leh Union Home Minister te lim chu hal nise an ti bawk.

MZP General Headquarters hian nimin khan an President, L Ramdinliana Renthlei kaihhruaia Executive Meeting neiin he hunah hian North East Students’ Organisation (NESO) in The Citizenship (Amendment) Bill, 2016 dodalna kal zelah North East State hrang hrangah nasa lehzuala The Citizenship (Amendment) Bill, 2016 hi pass a nih loh nan dodal zel nise, North East State pumah January 30, 2019 ralhmaa mahni State \heuha kawngzawh (Public Rally) huaihawt tura a tih anga hmalak dan tur an rel a. MZP chuan India Sawrkar in Lok Sabha-ah The Citizenship (Amendment) Bill, 2016 a lo pass tawh leh Rajya Sabha-ah January 31 a\anga \hutkhawma pharh tumna awm chu duh lovin, he Bill duhlo lantirna atan January 23, 2018 khian Zoram pumah MZP bultumin ‘Hnam chhanna Kawngzawh’ neih nise a ti a, hemi rual hian North East mipuite hmusittu ah puhin India Prime Minister, Narendra Modi leh Union Home Minister, Rajnath Singh te lim chu hal nghal ni bawk se an ti.
MZP General Hqrs. chuan tun thla ni 23-a ‘Hnam chhanna Kawngzawh’ neih tur hi MZP Hqrs., MZP Sub-Hqrs. leh MZP Branch zawng zawngte leh Hnampual zirlai pawl-a an thawhpui te chu anmahni area chhungah lo kengkawh vek turin an ngen nghal bawk a. MZP chuan Zoram Chhan Kawngzawh neih turah hian Mizo mipui zawng zawng leh zirlaite chu hnam thil a ni tih hria a tel vek turin an sawm nghal bawk a ni.
Nimin a MZP General Hqrs. Meeting hian Mizo \halai te kan \awng hmandik kawng a kan inthlahdah lutuk leh kan hnam \awng kan hlutna a tlahniam chu pawi an ti hle tih pawh sawiin, \halai ten Lehkhabu chhiar pawh an peih ta mang lo chu kan hnam leh zirlaite tan kan nakin huna tan thil pawia thlen theih dawn tih an sawi a. Kan hnam \awng kan hlut deuh deuh a, Zirlaite pawhin kan zirlaibu bakah lehkhabu dang chhiar uar turin Mizo \halaite a ngen thar leh tih an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »