Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

PRISM in MLA te motor leisakna tur tihpun an duhloh thu sawiin, dodal turin mipuite an sawm

PRISM Party chuan MLA te motor leisakna tur tihpun a, MLA te tana mipui sum cheng nuai 80 senbelh tur chu an duhloh thu an sawi.
Nimin a thuchhuah an siamah PRISM Party chuan Mizoram MLA te hian thla khatah Rs. 40,000/- hlawhin Constituency Allowance Rs. 10,000/- te, Contingency Allowance Rs. 5,000/- leh Family Allowance Rs 5,000/- te nen thla khatah Rs. 60,000/- lain Personal Assistant 1, Personal Attendant 2 leh Driver 1 pek an ni a. Hei bakah hian chenna pek niin anmahni In-a an chen pawhin an In cheina tur term khat chhungin cheng nuai 3 pek an ni a. Damloha enkawlna te, zinna te, Telephone te, Tui te, Electricity te tam tak tum sak an nih bakah a pung tlem chi in Housing Loan cheng nuai 10 leh motor loan cheng nuai 4 an la thei bawk tih an tarlang a. Hei hi kan ram dinhmun a\anga thlir chuan a \ha tawk mai ni lovin a tam mah maha an ngaih thu leh PRISM Party chu sawrkar phei se tihtlem an tum sa tih an tarlang a. Heng bakah hian mipui sum a\angin motor leisak niin Motor lei nan hian a hmain mi pakhat tan cheng nuai 8 hman \hin a nih laiin tunah hian General Purpose Committee in motor leina tur hi mi pakhat tan cheng nuai 10-ah tipungin, MLA pakhat zelah cheng nuai 2 \heuh sen belh ngai dawn a, a vaia chhut chuan hmasawnna hnathawhna tur cheng nuai 80 hemi atan hian hman pen a ngai dawn tih tarlangin, hei hi an duhloh thu leh nawmchenna lama sum sen belh chu hmasawnna ti\huanawptu ah an ngai tih an sawi a, dodal turin mipuite chu an sawm bawk.
Thu lakna in a tarlan danin, tunhnai khan Chief Minister Zoramthanga hovin MLA-te lirthei leina chungchang leh \ul pawimawh dangte rêlin sawrkar mi pawimawhte an \hukhawm a; MLA-te lirthei leina atana sawrkarin sum a pek \hin cheng nuai 8 chu cheng nuai 10-ah tihsan an rel thlu a ni. MLA-te hian an duh chuan sawrkar a\anga motor leina tur sum an dawn (cheng nuai 10) aia man to motor an lei thei a; chutiang a nih chuan sawrkarin a tumsak cheng nuai 10 baka sum la ngai chu anmahni pawisa an sên belh a ngai thung a ni.
MLA-te tana sawrkarin lirthei leina a pek \hin hi MNF sawrkar hmasak hun lai 4th Assembly, kum 1998-2003 term a\anga kalpui \an a ni a, a bul\anna ah hian kum 1999 khan MLA pakhat tan Rs. 4,00,000 pek an ni a. Mizoram State 5th Assembly (2003-2008) khan Rs. 5,50,000-ah tihsan a ni a, Mizoram state 6th Assembly (kum 2008-2013) khan Rs. 6,50,000-ah tihsak a ni leh a; state 7th Assembly (2013-2018) khan Rs. 8,00,000-ah tihsan a leh bawk. Mizoram State Legislative Assembly pariatnaa MLA-te motor leina man tihpun a nih avang hian Assembly Secretariat chuan Finance department-ah sum an dil belh mek a ni. 

Comments

Popular News (Last 30 Days)