Latest News

Home Minister hovin Mizoram Police dincham lawmna leh Constable Passing-out Parade neih a ni

Nimin khan Police Training School, Thenzawl-ah 48th Mizoram Police Raising Day lawmna leh 67th Batch Recruit Constable Passing Out Parade chu neih a ni a, he hun hi Home Minister, Lalchamliana chuan Khuallian nia hmanpuiin ram in a mamawh ber chu Remna hnuaia hmasawn a ni, a ti.

Nimin a Mizoram Police dinchampha vawi 48-na lawmna leh Police Constable Batch 67-na Passing-Out Parade ah hian Home Minister, Lalchamliana chuan Police leh mipui thawhhona \ha vangin Mizoram chu State ralmuang ber pawl kan ni a, Mizoram Police te chu India rama Police huaisen leh thiam ber an ni tih an i hriat fo a duh thu sawiin, Police te chu mipui rawngbawltu an nih inhrereng turin a chah a. Union Territory kan nih tirh hunah khan Assam Police tlem azawngte nen bul \an a nih thu sawiin, tunah chuan nasa taka lo \hang lianin Police Strength pawh sing chuang, Police Station pawh 40 lai zet neiin kan lo awm tak thu leh India ram huapa lawmman sang dawng thei Police fel tak tak tam tak an awm tawh bawk tih a sawi a. Chutihlaiin hmelma kuta boral hi mi 56 kan awm tawh bawk a, chung kan Police hmelma kuta boral ta te zawng zawng pawh kan hrereng a ni, a ti bawk.
Home Minister chuan Ram tana pawimawh em em chu Remna nei chunga hmsawnna a ni tih sawiin, remna leh muanna a awm theih nan Police te chu theihtawp chhuah zel tuin a fuih a, mihring dikna leh chanvo, Human Rights zahthiam a, thleibik neilo tur te, Upa, naupang leh hmeichhia te dimdawi bik an \ul thute sawiin, kum 1986-a MNF leh India Sawrkarin inremna an siam hnuah MNF Sawrkar chuan Police hmasawn nan nasa takin hma a la a, Chief Minister, Zoramthanga kaihhruaina hnuaiah IR Battalion pali (4) din a niin, Mizo \halai tam takin eizawnna ngelnghet an neih phah tih a sawi a. Hemi rual hian tun dinhmunah Police ah post ruak 2700 a awm thu sawiin, Mizoram Police-ah hmeichhia an tlem hle a, zaa pasarih (7%) chauh an nih thu leh chu chuan All India Police Norms a phak loh thu a sawi a, Sawrkar in Police lak a phal hunah Hmeichhe tam zawk lak tuma ruahmanna siam mek a nih thu a sawi bawk.
Home Minister chuan, Mizoram ramri venghim turin a \ul ang zela Police dahbelh anih tur thu leh a theih ang anga ramri-a Police duty te hmanraw \ha zawka thuam anih tur sawiin, Inner Line Permit (ILP) pekchhuah chungchang ah khauh lehzuala kalpui tum anih thu leh Online a ILP tih tum mek anih thu a sawi a. Mizoram Sawrkar chuan Zu zawrh khapna tihhlawhtlin a tum mek tih sawiin, hemi kawngah Police ten mawhphurhna sang tak an nei tih inhria a, theihtawp chhuah turin a chah bawk.
Home Minister chuan PTS Thenzawl chu India rama Non-Gazzetted Officer Training-na \ha ber, Best NGO Police Training Centre atana thlan a ni chu a lawmpui thu leh PTS chu chang-tlung lehzuala siam chhoh zel sawrkar in a tum thu a sawi a, DGP in Police auhla Hindi veka nei lova, mipui nawlpui hriatthiam theih tura Sap\awng a nei tura duan mek a ni tih a sawi chu \ha a tih thu leh lawmawm a tih thu a sawi bawk.
67th Batch Recruit Constable Pasing-Out Parade ah hian Police Constable Training zo mi 406 an awm a, heng training chhuakte hi PTS Thenzawl Principal, Lalsanglura chuan rinawmna thutiam a laktir a, Training chhuak te hi mipa 383 leh hmeichhia 23 an ni. He hunah hian Training laia kawng hrang hranga ti\ha te hnenah lawm-man sem a ni a. Mizoram Police te inelna hrang hranga ti\ha te hnenah Khuallian, Home Minister leh DGP ten lawmman an hlan bawk.
Nimin a he hun hman hi Mizoram DGP leh Police Officer te bakah sawrkar mi pawi-mawh ten an hmanpui bawk a ni.

Comments

Popular News (Last 30 Days)