Serchhip-ah Republic Day boycott a ni dawn

Citizenship Amendment Bill 2016 duhloh lantirna atana NGO Co-Ordination Committee in tunkar Inrinni-a India Republic Day lo thleng tur boycott an tum chu Serchhip-ah pawh Republic Day hi boycott a ni dawn.

Nimin chawhnu dar 2:30 khan Serchhip-a NGO Co-Ordination Committee hi Serchhip Sub-Hqrs. YMA Office-ah an Chairman, R. Sanghmingthanga Serchhip Sub-Hqrs. YMA President ni bawk kaihhruaiin an \hukhawm a, he hunah hian Aizawl-a NGO Co-Ordination Committee in Citizenship Amendment Bill 2016 duhloh lantirna tura India Republic Day Boycott an rel thu leh a \ul anga kalpui ve tura an rawn hriattirna chu tih hlawhtlin nise an ti a ni.

He Meeting hian hmalakna tur hrang hrang relin hemi chungchanga mipuite hriattirna leh ngenna chu Chanchinbu leh Cable TV-ah tichhuakin YMA Information-ah pawh a zau thei anga puan-zar nise an ti a, Serchhip-a Republic Day hmanna turah Hnam Puanzar pawhparh a nih lohna turin hmalak relin, hemi Ni hian zingkar a\angin College Peng leh Khawtetlang-ah te YMA, MUP leh MHIP Member te duty nise an ti bawk. Hei bakah hian Serchhip District chhunga Civil Sub-Division leh RD Block \huthmun ah te pawh Republic Day hi hman a nih lohna tura hmalak nise tiin Meeting hian an rel bawk. Nimin a he Meeting-ah hian NGO Co-Ordination Committee-a tel YMA, MUP, MHIP leh MZP aiawhte an tel a ni.