Zu do beihpui hi hmanah khan \an ila chuan, nunna tam tak kan chhan hman ang - Chief Minister

Chief Minister, Zoramthanga chuan Zu do beihpui chu hmanah khan hmalakna lo \an tawh ni ila chuan nunna tam tak kan chhan hman tawh ang, a ti.

Nimin-a Ex-Mizo National Army Association (Ex-MNA) General Assembly Vawi 10-na Aizawl Chanmari YMA Hall-a neih a hmanpuina ah he thu hi sawiin Chief Minister, Zoramthanga chuan Zoram mipui, nu leh pa ten kan tawrhna nasa em em kan hripui chu Zu leh Drug-in min tihbuaina a nih thu sawiin, ‘Kan sawrkar chuan hmalakna kan kalpui ang’ kn lo tih \hin tawh angin Krismas ruai\heh zawhah Se\hawn an tlawh nghal thu a sawi a. Congress in kum 2013-2018 a Zu an zawrh ah Police 500 chuang leh Civil mi 5000 a\anga 7000 inkar an thi hman nia sawiin, “Congress sawrkar Zu zawrhna period a tawp a, kan sawrkar Cabinet Meeting hmasa berah kawng dangin kan khap nghal a, anni'n zawrh luih an tum ngar ngar,” a ti a. “Theihtawpa khap kan tum chungin Court-ah min khing zel a. Mipui leh Kohhranin Congress sawrkar chu duh lova an hnawl hnu thlengin Zu zawrh an la tum reng a ni. May thla tawp thleng khan an zuar lui a, thla 6 an zawrhluih chhung khan mi engzat tak thi hman maw, a pawi takzet a ni,” a ti bawk.

Chief Minister chuan MNF chu Pathian leh kan ram tana zalenna thawkchhuak tura sualtute an ni tih pawh sawiin, “1966-1986 inkar chhung ram leh hnam tan nunna tam tak chanin kan bei a, kan tuar chhan kha a dik a ni. MNF kan mawina chu Pathian leh kan ram tan tia thisen-in a nemnghehna kha kan chhuan tur neihchhun a ni. Mi sak ve theih loh hla mawi kan neih chu 'Pathian leh kan ram tan' tia kum 20 chhung kan lo beih tawhna chanchin kha a ni,” tiin “Kan ram malsawmna nasa tak lakchhuah kan tum a, SEDP a\anga kawng siamin, ram kan pe dawn che u a, eizawnna ngelnghet chhe thei tawh lo tur in neih theih nan theihtawpin kan thawk dawn a, kalta te thisenin min baptist thuthlung hi i kalsan lo ang u,” a ti bawk.

Khual zahawm nia he hun hmanpuitu Home Minister, Lalchamliana pawhin mi \henkhatten ram tana zalenna sualtute fiamthu thawh nana an hmang \hin chu a rilru nat thlak \hin tih sawiin, “Tute emaw phur thut leh Vai huat vang ringawta ramhnuai-a chhuak kan ni lo, zalenna tak tak suala beitute kan ni. Zalenna hi Mizoten kan pianpui a ni. Mipui remtihna in zalenna kan sual a, mipui remtihna in inremna kan siam. Zalenna sualtute pawl hrang hranga kan awmte hi a rilru natthlak a, iner leh in\henhrang thei kan ni lo. Spirit of 1966 kha thinlungah dah thar lehin hnam thinlungah i kir leh ang u,” a ti a. Hnam Martar, Returnee leh an chhungte tan reilote ah a taka an pen chhuah a beisei thu pawh sawiin, “In tan engemaw tak kan la ti a nih pawhin Mizo mipuiin min thik ka ring lo. Kan inunauna leh induhsakna kan karah lo lian zel rawh se,”