Latest News

Parking Area thar hmang

 * SAROA te an lungawilo

Serchhip Bazar-a lirthei dinna hmun \hen-khat siam danglam chu nimin a\ang khan hman \an a ni a, Serchhip Auto Rickshaw Owners Association te chuan an Stand thar tur chu an duhloh thu an sawi thung.
Tunhnaia Serchhip SP Office thupek siamah hian Serchhip Bazar-a Taxi Stand chu a ep-ah sawn niin Auto Rickshaw chu a chhak lama SBI Office kawt a\anga hmarlam ah sawn a ni a, a hmaa Taxi leh Auto Rickshaw Stand chu Private Motor dahna atan hman a ni thung a ni.
He ruahmanna siam thar hi nimin khan hman \an a ni a, Taxi leh Private Motor te chuan harsatna nei lovin an dinna tur hmun siam thar hi an hmang a, Auto Rickshaw dinna erawh an chep deuh tih Auto Rickshaw khalhtute chuan sawiin, a hmaa Auto Rickshaw Stand-ah mi 14 ding theiin SBI Office kawt-ah 4 din belh theihna an neih angin vawikhatna mi 18 an ding thei tih an sawi a. Tuna Stand thar-ah erawh chuan mi 13 vel chiah an ding thei tih sawiin, a chhaklam a\anga lirthei rawn kal hmuh lawk a harsat avangin mipuite leh lirthei khalhtute tan pawh a himlo thei tih an sawi bawk.
Helai hmun vel hi nimin khan Serchhip SDPO, Victor Zothansanga chuan tlawhin harsatna awm te a enfiah a, tuna ruahmanna an siam thar chu hman rih phawt tur a nih thu sawiin, Town Bus Stand leh Taxi Stand awmna siksawi hret ngai nia lang pawh siamrem leh tur a nih thu a sawi a. Auto Rickshaw te pawh a \ul a nih chuan PWD SDO Quarters peng lamah an Stand hi zauh zel theih a nih thu a sawi bawk.
Hetihlai hian Serchhip Auto Rickshaw Owners Association (SAROA) te chuan hetianga an Stand sawn a ni hi lungawi lovin nimin chawhnu lam khan Member pum huapin SP Office dawrin an kal a, Police thuneitute nen hian inbiakna \ha tak neiin Auto Rickshaw neitute pawh hi an \in darh ve leh nia thudawn a ni.

Comments

Popular News (Last 30 Days)