Pastor Chhawna hriatrengna |awng\aina In sak hawn a ni

Serchhip-a hmunhlui humhalhtu pawl, Ser-chhip Heritage Society in Kawlri tlang-a hmun-hlui humhalha hma an lakna kal zelah Inrinni khan Pastor Chhawna Memorial Prayer Cabin an sak chu hawn a ni.

Pastor Chhawna Memorial Prayer Cabin hawnna inkhawm hi Serchhip Veng-chung Branch YMA President, Lalrin\huama Kawlni chuan kaihruaiin Family Guidance & Councelling Centre, Serchhip-a Councellor, Rev. C. Ramnghinglova chuan hawngin Pathian hnena hlanna a nei a. Hetianga Pastor Chhawna tu leh fa ten amah hriatrengna atana \awng\aina hmun an buatsaih leh hawn theih a ni ta chu lawm-awm an tih thu an sawi a. Pastor Chhawna hi Mizoram-a Pastor kan neih zingah pawh a senior pawl a nih thu leh 30-na a nih thu sawiin, kum 1892 velah piangin kum 1977-ah a boral thu a sawi bawk.

He hunah hian Serchhip Vengchung Branch YMA Secretary, Kaptluanga Ralte chuan report pein Pastor Chhawna tu leh fa ten Thlarau thianghlim an dawn a\anga |awng\aina In sak duhna rilru an pu tih an hriat avanga an indawr zui thu leh an indawrna a\ang hian Pastor Chhawna tu leh fa ten a sakna tur sum tumin Vengchung Branch YMA ten tha an thawh thu a sawi a, kumin May 27 khan a hmun tur JCB-a laizawl \anin thla hnih a liam hnuah a hawnna an neih theih thu leh a sakna atan Pastor Chhawna tu leh fate hian cheng nuai 4 an tum thu a sawi bawk. He hunah hian Pastor Chhawna fate a\angin a fapa la dam awmchhun, H. Lalbiakzauva chuan Pastor Chhawna chanchin a sawi bawk.