Ramri buai chinfel tum dan felfai tak kan nei, tuna puanzar mai chi a ni lo - Chief Minister

MNF President leh Chief Minister, Zoramthanga chuan Mizoram ramri buai chinfel tum dan (Strategy) mumal tak an nei tih sawiin, tuna lo puanzar chi a nih loh thu a sawi.
Nimin-a Aizawl Mizo Hnam Run-a MNF Party Chhung Inkhawm ah MNF President, Zoramthanga hian ramri buaina chungchang sawiin, “Assam leh Meghalaya in ramri buai an nei a, Assam leh Arunachal-in an nei a, Assam leh Nagaland-in an nei bawk a, hmun \henkhatah chuan inkahna te pawh a awm. Assam Chief Minister Tarun Gogoi nen pawh khan kan ramri buaina hi kan lo sawi dun tawh a. Ramri buaiah hian Boundary Commission-in a rorelna leh a report chu tu State pawhin an zawm tur tih a ni. Mahse, State pakhatin a pawm kha a leh lam State-in an pawm thei lo zel bawk,” a ti a. Ramri buai chu anni chuan chinfel dan tur (strategy) felfai tak an nei tih sawiin, “Tuna puanzar mai chi a ni lo. Ramri buai chingfel tur hian hmanhmawh phut phut chi pawh a ni lova, tihdan tur lo sawi lawk vak avang hian thil fello a awm phah thei zawk a ni. Silchar lam kan supply tinreng min hrektu khu, hmun dang dang a\anga kaltlang theihna te siamfel hmasak phawt a ngai a, a hunah chuan kan la ti mai dawn a ni,” a ti a. Chutih lai mekin kawngpui siam te, building sak leh thildang tih tur awmsa te chu tih chhoh zel a nih tur thu a sawi bawk.
MNF President chuan Congress party chungchang pawh sawiin, “MNF hian kum 1998-ah sawrkarna kan la a, 2008-ah kan tla leh a. 2013-ah kan tla leh a, 2013-ah khan lo sawrkar ta ila, Congress sawrkar chhiatzia kan hre hman lo ang. Kum 2013-ah Congress chu sawrkar nawn lehin Zu an zuar a, chhiatna tinrengin a bawm ta a, a sawia sawimawi theih rual lohin an lo chhe ta a ni. Tunah chuan Congress-in India ramah President pawh an nei lo, hmannia an ruat pawh kha, a ruattu tunge ni tiin an sawisel luai luai a ni. Congress tello India an tih chu tunah India ramah a thleng mek a, Goa leh Karnataka pawh an buai a, a kangkai zel. MNF chu Pathian in min hruai zel a, 'Lei charah pawh ngun taka ka hniakhnung entu chuan a chhui thei ang' tih ang khan 'Pathian leh kan ram tan' titute chuan ramhnuai a\anga tun dinhmun thlenga Pathian in min hruai dan hi a hun tak zelah kan tana \ha turin boruak a rawn inherrem chho zel maite hi chhui zel nachang i hria ang u,” a ti bawk.
He hunah hian MNF President, Zoramthanga hian MNF Constitution siam\hat chu chhiar theiha hralh theih tura tlangzarhin, “Kan Constitution hi kumina chhut \hat a ni a. Constitution tih hi keini chuan ramhnuai a\angin 'Danbul' tiin kan hmang a. Chhutsual leh siam\hat ngai lai a awm a nih pawhin kan siam\ha zel ang. Kan danbul neih hmasak kha a rei tawh avangin High Command-in siam\hat dan tur kan rel a, National Council-in a pawmpui thlap a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia