MZP hmalakna te sawiseltu awm \hin mah se kan hnam in a hlawkpuiin rah \ha a chhuah - Agri. Minister

MZP General Hqrs. chuan Inrinni khan College S.U. leh hnampual zirlai pawl hruaitu degree nei tharte lawmpuina leh chawimawina hun hmangin he hun hmanpuitu Agriculture Minister, C. Lalrinsanga chuan MZP hmalakna te chu sawiseltu awm \hin mah se kan hnam in a hlawkpui zia leh rah \ha a chhuahna hi Zofate hian an theihnghilh tawh dawn lo, a ti.

MZP General Hqrs. in College S.U. leh hnampual zirlai pawl hruaitu degree nei tharte lawmpuina leh chawimawina hun Aizawl-a MZP Conference Hall-a neih ah hian Agriculture Minister chuan MZP ten kawng hrang hranga hmalakna an neih, tu te emaw in ‘An huanglo’ ti a sel chang awm mah se kan hnam in a hlawkpui zia leh rah \ha a chhuahna chu Zofaten an theihnghilh tawh dawn lo tih a sawi a. Zirna uar tur leh zirlaite ah phurna pe \hin tu MZP ten kan ram leh hnam damna atan thiamna hlutzia hriaa Mizoram hmun hrang hranga Mizo zirlai a chawimawi \hin chuan rah \ha a chhuah mek bakah Civil Service thlenga hmasawnna kan hmuh ngei a beisei thu a sawi a. Chutiang tur pawh chuan Zofate thluak hian a pha a ni tih hre turin he huna an chawimawite chu a chah bawk.

Agriculture Minister chuan Mizo \halaite an \hanharh a hun tawh takzet tih pawh sawiin, Ram leh Hnam chhan nan tha leh zung, ngaihtuahna leh thiamna leh finna hmanga beih a \ul thu a sawi a, inhrosa a ram leh hnam chhan tum chuan awmzia neihloh hun ala nei thei tih sawiin, “Thiamna hmanga beih chu thil pawimawh zawk a ni chho zel a. Thiamna in a chaldelh loh chuan ram leh hnam a him dawnlo a ni,” a ti. Mizoram chhung leh a chhehvela hnamdang ten zirna lamah nasa takin \an an a mi thiam tak tak leh Central Service lama lut te an awm zel a, hei hi Hnam tan ala him loh theih avangin zirna kawnga nasa zawka \anlak a \ul a ni, tiin zirlai thiam thei si, khawsak harsa te pawh an zirna an chhunzawm theih na tura \anpuia dan dap \ul a tih thu a sawi a. “Kan ram siam\ha tur chuan zirna piahlamah kan economy hi a \hat angaih vangin kan taima tur a ni. Sum leh pai tam tak nei mah ila kan ram hi hnamdangte thuhnuaia kan awm chhung chuan awmze nei lo a ni. Chuvang chuan Zofate hi kan \hanharh a, kan zavai hian kan \angrual tur a ni,” tiin he huna kalkhawm zirlaite chu a fuih bawk.

MZP General Hqrs. Vice President, B. Vanlaltana kaihhruai he hunah hian MZP General Hqrs. President, L. Ramdinliana Renthlei chuan sawrkar in zirtirtu an lak turah diklo tak leh trained ni lo lak an awm chuan hna an zawm lohna turin na takin an dodal dawn tih a sawi a. Zirtirtu semrual a nih theih nan MZP chuan theihtawp chhuahin hma an la \hin tih sawiin, “Kan Sawrkar hrawn tawh apiang hian an thei lo zel,” a ti.

Zirtirtu aikal la pawh an duhlo hle \hin tih MZP President chuan sawiin, “Kumin kum tir chho a MPSC kaltlanga zirtirtu lak thar te an awmna tur Sawrkarin an tifel a. Thingtlang zirtirtu indaihlohna khuaah an dah a, Joining Report an pe a, aikal lak an tum nghal deuh vek ringawt te kha a \ha lo hle a ni. Zirtirtu aikal la zawng zawng te pawh Sawrkar thuchhuak anga aikal la lo turin MZP chuan kan ngen a, mahni post a awm vek turin MZP chuan kan ngen a ni,” a ti a. Tunah Sawrkar in Primary leh Middle School zirtirtu tur \hahnem tak lak a tum mek tih pawh sawiin, “A khaw mi ngei zirtirtu atana training thlap tawh lak a tum hi MZP chuan lawmawm a ti hle a, amah-erawh chu zirtirtu training lo lak a nih chuan MZP chuan a dodal tlat dawn a ni,” a ti bawk.

Tun \umah hian MZP hian Aizawl khawpui chhunga College SU Leader, Hnampual leh MZP chhungkua a mi 63 leh June 12,2019-a naupang rukbo chhanchhuak tu, Caroline Malsawm-tluangi (11), Zuangtui, Aizawl leh May 16,2019 zing dar 7:05-a khawvel-a tlang sang ber lawn chhuaktu, Johny Laltlanmawia, Ramhlun Veng te chu chawimawina thuziak hlan an ni.