Mizoram Hmeichhe Team chawimawina nei

Tunhnaia North East State Under-19 Women Football Championship a Champion, Mizoram Team te chawimawi hun chu nimin khan Loch Hall, 46 Assam Rifles hmunpui ah neih a ni a, Sports Minister, Robert Romawia Royte chuan a hmanpui.
Hqrs. 23 Sector Assam Rifles bultuma North East State Under-19 Women Football Championship-a Mizoram Team te chawimawina hunah hian Sports Minister, Robert Romawia Royte chuan Mizoram Hmeichhe Under-19 Team te North East State Under-19 Championship a champion an ni chu a lawmpuiin thu sawiin, he hnehna hi Sawrkar ta emaw, a buatsaihtu leh buaipuitu Assam Rifles ta emaw, MFA ta emaw ni lovin, Mizoram mipui zawng zawng ta a nih thu leh he Team te hi Mizoram mipui chhuanvawr an nih thu a sawi a. India aiawha tunhnaia International Level-a kal Nagaland Team te Mizoram Hmeichhe Team in an hneh chuan kan Hmeichhe Footballer te an \hat zia a tihlan thu pawh a sawi a. MFA in Football \hanna atan an hmalakna te chu Sawrkar ang pawhin a thei ang angin belhchaha, tiphuia, tichak turin Sawrkar in hma a lak zel tur thu sawiin, Sawrkar leh MFA thawhona \ha tak chu chhunzawm zela, tichak turin MFA hruaitute a sawm bawk.

Comments

Chhiar Hlawhte

Youth Icon Top-50 thlang