Sum harsatna tawk anga sawi thu diklo tih sawi

Tunhnaia Mizoram sawrkarin sum harsatna nasa tak a tawk ni awma sawi chu thu dik tawk lo a nih thu Mizoram sawrkar-a Finance Department hotute’n an sawi.
Finance Department hotute chuan tuna sawrkar laipuiin a tihdan a thlak avang leh Parliament-in Union Budget a pawm tlai avangin tunhnai khan ni 2/1 chhung chu Mizoram sum hmuh tur a khawtlai hret niin an sawi a. A bikin Gap Grant leh Share of Central Taxes an pekchhuah hun an ti tlai niin an sawi a. Hetianga sum an rawn pe tlai dawn ni a an rawn sawi avang hian ni khat vel chu Mizoram sum bawma pawisa awm tlem palh hlauhthawn thu ah Treasury \henkhatah pawisa pekchhuah khap a ni a. Chuti chung chuan sawrkarin Reserved Bank of India (RBI)-a sum kawl tur zat bituk a kawl a, engmah a takah chuan harsatna a awm lo niin an sawi a ni.
Finance Department hotute chuan sawrkar laipuiin sum hi a rawn pek leh thuai avangin tun dinhmunah chuan harsatna engmah a awm lo niin an sawi a. Sum hman chhuah dan erawh chu engemaw chen thunun a nih loh chuan sum enkawl danah fello a awm theih avangin Treasury a pekchhuah theih zat hi chu bituk a awm reng tih an sawi a ni.

Comments

Popular posts from this blog

PAN CARD an tih teh fo hi - Laldinpuia