Saitual District-a awm duh thu thlen

/
Mizoram Sawrkarin District thar pathum a siam mekah Ngopa RD Block huamchhunga khaw awm zawng zawng leh Lengteng Constituency chhunga khaw tam zawkten Saitual District chhunga awm ngei an duh thu an sawi.
Ngopa RD Block huamchhunga khua heng - Ngopa, Khawkawn, Mimbung, Pawlrang, Hliappui, NE Khawdungsei, Chiahpui, Kawlbem, Teikhang, Changzawl, Saichal leh Hrianghmun VC te chuan Saitual District-a awm an duh thu hi Inrinni khan Chief Minister, Zoramthanga, Lengteng Constituency bialtu MLA L.Thangmawia leh Sawrkar hotu dangte hnenah ziakin an thlen a. Heng khua te hian Champhai District-a an awm chhungin District Capital panna kawng chungchangah harsatna an tawk nasa \hin tih an sawi a, Khawzawl District-ah awm dawn ni se hei tho hi an harsatna tawh leh tur a nih avangin veivah chungchangah Saitual District-a beh chu an tan \ha ber turah an ngai tih an sawi a. Hei vang hian Khawzawl District-a beh an duh loh thu leh, Saitual District-ah zawk an awm ngei theih nan Sawrkar hotute hnenah an thlen a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »