PRISM Party in Mizoram Map siam thar

PRISM Party chuan tunlaia India leh Naga te inbiaknaa Mizote dinhmun aia \haa Naga te dah tumna awm anga lang chu tihhlawhtlin anih phawt chuan chumi ang dinhmunah chuan kan awm ve turah an ngai tih an sawi a. Mizoram sawrkar in ramri a pawm chin a tihchian thar mil Mizoram Map an siamchhuah thar thu an sawi bawk.

Nimin khan Aizawl-a an Office-ah PRISM Party member te kalkhawmin Mizoram sawrkar in kan ramri chu Innerline 1875 anih thu a tichiang thar chu lawmawm an tih thu an sawi a. Ramri tihchian milin Mizo-ram sawrkarin Map thar a tichhuak mai dawn emaw an tih laia a tihchhuah mai loh avangin mipuiin a nihphung tlangpui an hriat theihnan Mizoram Map thar an siam tih sawiin, an tichhuak nghal a ni.

PRISM Party chuan India leh Naga inbiakna kallaiah Nagaland in Naga chenna ram huam tur te, Constitution hran leh Flag hran te neia Self Determination an nei tur anga sawi chungchang pawh sawihoin, “Mizote hian nasa taka tuarin mahni-a ro inrel duhin hma kan lo la tawh a. Rorelna pakhat hnuaia awm duhin nasa takin hma kan la tawh \hin bawk. Hetiang hi anih avang hian Nagaland hi dinhmun sang zawk pek an nih chuan keini pawh min pe ve nghal ngei turah kan ngai a. India awp chhunga Mizo chenna ram zawng zawng Mizorama dahlutin Mizoram hi Self Determination min pe ve nghal turin kan duh a. United Nations Declaration on the Rights of Indigenous Peoples in he dikna chanvo hi min pek mai bakah kan hnamin kan lo beih tawhna leh tuar tawhnain hei hi a phu-ah kan ngai a ni,” an ti bawk.