Tuilian in Leilet tichhia

Tunhnaia ruahsur nasa avang khan Serchhip District chhung North Vanlaiphai khua ah Hlawn-kawng leilet chu nasa takin a tichhia.

North Vanlaiphai a\anga thu kan dawn danin tunhnaia ruahsur avang khan N. Vanlaiphai Hlawnkawng Zau a leilet (WRC) chu nas takin a chhia a, tuilian hian leilet bial a chim bakah hnâwl in Leilet bial chhunga buh phun tawh sâ a chhilh nasa in, bial tlâng a lên chhe nasa hle a. Hei bakah hian Hlawn-kawng Zau-ah hian Maicham lui a luang tlang a, tun\um tuilian-ah hian lui kûang pawh a insawn dawrh a, leilet lu ber dawttu leilet a\angin leilet bial chhungah lui hian a kûang a sawn a. Buh chinna bial-ah kûang hreuh zelin leilet bial \hahnem takah a luang  a, hei hian Hlawnkawng leilet hi a tichhe nasa zual hle a ni.

North Vanlaiphai Hlawnkawng Zau-ah hian chhungkaw 22 in leilet an nei a. Kumtin buh an chin \hin bâkah buh chin loh hun, |hâl laiin chhungkaw engemaw zat chuan chawhmeh thlai an ching \hin bawk a. Tun \um tuilian hian chhung-kaw 12 te buh phun tawh sâ a tichhia a, a tihchhiat bial-ah hian kumdangah chuan buh |in 1890 an thar \hin a ni. Leilet bial chhia te hi Buh chin theihna tura siam leh tur chuan sum leh tha tam tak sen a ngai dawn nia thudawn a ni bawk.