Vawk neitute thiamloh chantir

Tun thla ni 8-a Serchhip District chhunga Dan lova vawk laluttu manchhuah te chu Rs. 1000/- chawitira hrem an ni.

Tarlan tawh angin tun thla ni 8 khan Serchhip Police te chuan District Magistrate thupek bawhchhia Serchhip District chhunga dan lova Vawk rawn lakluh 29 te chu Bungtlang khua ah manin Vawk rawn laluttu a puh mi 2 te pawh man nghal an ni a. Heng mite hi thubuai siam sak nghal niin an vawk rawn ken te hi PRRS vei an nih leh nihloh enfiah a nih hnuah PRRS vei an awmlo tih finfiah a ni a. Heng Vawk rawn kengtute hi Bail-a chhuah an nih hnuah niminpiah khan an chungchang hi ngaihtuah leh niin thiamloh chantir an ni ta a ni.

Heng Vawk rawng kengtu Lalhunvuli leh Thangtluangi, Champhai Zotlang nia inchhal te chuan Court hmaah hian Zotlang ami Vawk an lakkhawm an rawn ken a nih thu leh Serchhip District chhunga Vawk lakluh khap a nih an hriatloh thu sawiin, hun rei tak Vawk an zawrh tawh loh hnua ti thar leh an nih thu sawiin, Dan bawhchhiaa puh an nihna chu an pha lo a. Hemi hnu hian Court chuan heng Vawk rawn kengtute hi thiamloh chantirin Rs. 1000/- ve ve chawi tirin an Vawk rawn ken 29 zingah 4 te chu a thi tawh thung a, Vawk la dam 25, Slaughter House-a dah mek te chu a \ul anga tiral turin Serchhip District Magistrate kutah a dah nghal bawk a ni. Hemi hma kumin May 23 khan Serchhip District-a dan bawhchhia a lakluh Vawk 100 chuang chu man a lo ni tawh a, heng Vawk kengtute hi thiamloh chantirin Rs. 1000/- \heuh chawitirin an Vawk te pawh lilam a lo ni tawh a ni.