Independence Day lawm dan tur sawiho a ni

Thla thar August ni 15-a India Independence Day lo thleng tur Serchhip-a lawm dan tur ngaih-tuahin nimin khan Serchhip District Bawrhsap, Sangchhin Chinzah hovin Independence Day Celebration Committee chu an \hukhawm.

Ser-chhip DC Meeting Room-a he \hutkhawm ah hian District Bawrhsap, Sangchhin Chinzah chuan Independence Day chu India ram tana ni pawi-mawh leh hriatreng tawh tur ni tih sawiin, Serchhip-ah pawh kumtina kan tih \hin angin urhsun taka hman tum a nih thu a sawi a. Chumi atana mamawh chi hrang hrang leh mawhphurhna chi hrang hrangte a awm tel dawn avangin Department hrang hrangten theihtawp an chhuah tlan leh a ngai dawn tih a sawi bawk.

He Meeting-ah hian Addl. DC, Chuau-hnuna chuan nikum lama he ni Serchhip-a hman tawh dan te report a pek zawhin kumina a hman dan tur sawihona neih nghal a ni a. A hmun atan DC’s Playground, Khawtetlang chu thlan leh niin zing dar 11:00-ah \an tur a ni anga, chhun dar 12:00-ah DC Bungalow-ah sawm bikte tan At Home Tea Party neih zui a ni ang. Serchhip-a India Independence Day lawmna ah hian Khual-lian tur chu sawrkar in a la rawn ruat dawn a. Parade Contingent hi Band Party te nen 17 awm tura ruahman chhin a ni a, kumdanga tih tawh \hin angin Independence Day Football Tournament pawh Serchhip District Football Association te nena \angho a buatsaih leh tur a ni bawk ang.