Intlanchhawk hi Traffic jam damna famkim a ni lo - HM

Home Minister, Lalchamliana chuan lirthei intlanchhawk chu traffic jam tihreh nana damna famkim ‘permanent solution’ ni lo mah se tunah rih chuan kan thil tih theih, mitin tana \angkai leh \ha nia a lan thu a sawi.
Nimin a Co-ordination Committee on Traffic Management \hutkhawm MINECO Conference Hall-a neih ah he thu hi sawiin Co-ordination Committee on Traffic Management a Chairman ni bawk, Lalchamliana chuan Traffic jam tihrehna tur atana Mizoram Bar Association in lehkha an thehluha an rawtna te chu \ha tiin a theih anga Sawrkar in a bawhzui tur thu a sawi a. Aizawl khawpuia traffic jam tih zia-awmna kawnga Traffic, AMC, Transport, UD&PA leh Department dangte thawhhona \ha neih chhun-zawm zel a pawimawh thu te, he thilah tun aia chak zawka mipui zirtir leh kaihhruai leh hlawk zawka kalpui a \ul thu te, Traffic jam tihziaawm nan lirthei dahna tur hmunhma thar siambelh dan kawng dap a \ul thu te leh kawng leh kawngsir hman dan felfai zawka ruahman a pawimawh thu te a sawi lang bawk.
He Meeting-ah hian intlanchhawk dan thar hman mek in Aizawl khawpuia traffic jam a tihziaawm thu Traffic hotuten an tarlang a, AMC hotute pawhin Parking area an rin avangin engemaw chen traffic jam a tihziaawm thu te an sawi tel bawk. Nimin-a Co-ordination Committee on Traffic Management \hukhawm hian tuna Aizawl khawpuia lirthei intlanchhawk dan chu thla khat tal en a nih hnuin thlakhat a ralhmain he ruahmanna hi thlirlet \ha a ti a. Kawng hman dan leh kawng sir hman dan ruahman zirchianga inkaihhruaina dan duan nise tih leh lirthei tihtlem dan ‘vehicle population control rules’ te duan chhin nise tih rel a ni. Working Group leh Aizawl DC hnuaia Road Enroachment Committee te hmalak tum dan pawh tarlan a ni bawk.

Comments

Popular posts from this blog

PAN CARD an tih teh fo hi - Laldinpuia