Chakma te Category-I a\anga paih tura Mizoram sawrkar ngenna Supreme Court in hnawl

/
Mizoram sawrkar in Technical Course zir tur thlanna a Chakma te Category-I a\anga paih tura a dilna a thehluh chu Supreme Court in a hnawl.
Higher & Technical Education (HTE) Department chuan kum 2015 khan The Mizoram (Selection of Candidates for Higher Technical Courses) (Sixth Amendment) Rules, 2015 tichhuakin Mizoram quota-a Technical Course zir tur thlanna ah Category-I ah Chakma-te dah a nih loh avangin Mizoram Chakma Students' Union (MCSU)-te'n Gauhati High Court-ah PIL an thehlut a. He Rules hi Mizoram sawrkar chuan July 16, 2015-ah hnûkkîrin Chakma-te chu Category-I ah dah zui niin High Court pawhin PIL chu a titawp zui a. April 20, 2016-ah Mizoram (Selection of Candidates for Higher Technical Courses) Rules, 2016 tihchhuah leh niin Chakma-te chu Category-II ah dah an ni leh a ni.
Chakma-te Category-I a\anga paih an nih avangin MCSU chuan Gauhati High Court-ah PIL thehlut lehin June 24, 2016-ah High Court chuan ngaihtuahin chinfel anih hma chuan hmang rih loh turin Mizoram sawrkar a hriattir leh a, May 2, 2018 khan order tichhuakin, MCSU-in PIL an thehluh vanga The Mizoram (Selection of Candidates for Higher Technical Courses) Rules, 2016 hman theih rih loh tura a dah (stay) chu a sût a, thubuai ngaihtuahnaah MCSU Ukil te an inlan ngai loh vanga sut niin tarlan a ni.
High Court thutlukna avangin The Mizoram (Selection of Candidates for Higher Technical Courses) Rules, 2016 hmangin Higher & Technical Education Department chuan Mizoram quota-a MBBS leh BDS zir turte thlanna a chhunzawm nghal a, MCSU-te chu Gauhati High Court-ah zualko lehin High Court chuan Tribal \heuh \heuh chu angkhata inen turin thutlukna a siam ta a; Chakma-te chu Category-I ah dah turin Court chuan a rel a. Hei hi Mizoram sawrkar chuan Supreme Court-ah khinglet lehin Gauhati High Court thutlukna chu awmze nei taka siam a nih thu a tarlang. Mizoram sawrkarin a khinlêtna chu Contempt of Court-ah ngaiin, thubuai chu a titawp zui a ni.
Hetihlai hian kumin July 8-a Mizoram sawrkar Cabinet Meeting in alo rel tawh angin The Mizoram (Selection of Candidates for Higher Technical Courses) Rules hi kalpui a ni dawn a, hetah hian Mizoram quota - Category-I a dil theite 'Indigenous people' tiha inziak chu 'Zo Ethnic' pual atan a dah a ni a. Hetianga Mizoram sawrkar-a Cabinet Meeting in a rel ang hian Higher & Technical Education Department chuan Mizoram quota-a Technical Course hrang hrang zir tur thlanna chu kalpuiin kalpui zui zel tum a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »