Latest News

Sawrkar kum kalmekah Serchhip Town chhungah HIV hrik pai hmuhchhuah nasa takin an pung

Zoram Entu Pawl (ZEP) Drop-in-Centre Serchhip-a thawk te chuan kumin hian Serchhip Town chhungah HIV hrik pai hmuhchhuah nasa taka a pun thu sawiin, mutmawh hnarmawh-a neih a \ul tawh thu an sawi.
Zoram Entu Pawl (ZEP) Drop-in-Centre, Serchhip hian nimin khan Serchhip Bazar-a an Office-ah Advocay Meeting neiin he thu hi an sawi a, he hunah hian ZEP Drop-in-Centre a Project Manager, PC. Zoliansangi chuan sawrkar kum liamta, April 2018 a\anga kumin March 31 thleng khan Serchhip Town chhungah mi 251 te thisen an enfiah a\angin HIV hrik pai mi 4 hmuhchhuah an nih laiin tun sawrkar kum kalmek a thla thum (April-June, 2019) chhungin mi 114 te thisen an enfiah ah HIV hrik pai mi 8 hmuhchhuah an nih tawh thu an sawi a, nikum chhung zawnga HIV hrik pai an hmuhchhuah zat let hmuhchhuah an nih tawh avangin mipuite chu fimkhur a \ul thu leh Mizoram-a HIV hrik pai hmuhchhuah tam berna pawl kan nih tawh thu an sawi a, HIV hrik pai hmuhchhuah hi thisen test a\ang chauh a nih avangin thisen test lo zingah pawh HIV hrik pai hi tam tak an awm a rinawm tih an sawi a. HIV hrik pai an hmuhchhuah zingah hian mipat hmeichhiatna hman khawloh a\anga kai an tam ber thu an sawi bawk a, tunah hian anmahni pantu mi 219 zet an awm mek thu an sawi bawk.
Nimin a Advocacy Meeting-ah hian DIC Project Manager chuan hetiang hi tuna kan khawtlang dinhmun a nih avangin an hnathawh dan hriatpui tur leh chak zawka hma an lak theihna tura sawihona atan hetiang hun hi VC, YMA, MHIP leh tlawmngai pawl dangte nena huaihawt \hin a nih thu sawiin, Serchhip Town chhungah hian Chhiahtlang-ah hun hmang tawhin New Serchhip-ah pawh hun hman leh tum a nih thu a sawi a. HIV a hluar mek lai hian damdawi hmankhawlohna pawh a hluar zel tih sawiin, hetianga ruihhlo leh HIV hluar zel ti ziaawm tur hian ICTC-a thawk te, OST Centre-a thawk te leh DiC-a thawk te chuan theihtawp chhuah mah se awmzia a neih zawh loh avangin kan zavaia kan \anrual a \ul thu a sawi bawk.
Nimin a he hun hman ah hian Lalrindiki, STI Councellor ICTC; Albert Vanlalhruaia, ORW DIC leh Melody Zoremsangi, Nurse OST te chuan kalkhawmte hnenah thupui hrang hrang hmangin zirtirna an pe a, hemi hnu hian kalkhawmte hian HIV darh zel venna tura hmalakna tura \ha nia an hriat te bakah ruihhlo hmansual leh mipat hmeichhiatna hman khawloh avanga kan khawtlang in harsatna a tawh mek leh a tawh chhoh zel theih tur chungchanga hmalak dan tura \ha nia an hriat hrang hrangte an sawiho bawk.

Comments

Popular News (Last 30 Days)