Tunhnaia MR Teacher 881 lak thar turah Hnam Run list a awm lo - Education Minister

School Education Minister, Lalchhandama Ralte chuan tunhnaia MR Teacher 881 lak thar turah Hnam Run list a awm lo tih sawiin, “Thingtlang thleng phak Education Gospel kalpui kan tum a, thingtlang lama zirtirtu neilo te leh indaihlohna nasa tak awm phuhru turin hma kan la a ni,” a ti.

Nimin-a Aizawl Mizo Hnam Run-a MNF Chhung Inkhawm ah School Education Minister, Lalchhandama Ralte chuan tunhnaia Mizoram sawrkar in MR Teachers 881 lak tuma hma alakna kalmek chungchang hi sawiin, MR Teacher lak turah opposition lamin zirtirna him lo mipuite an zirtir tih a sawi a. “Party mi leh duh duh la tur angin an zirtir a, hei hi a \ha lo hle. MR Teacher kan lak tur hi open takin kan kal dan tur zawng zawng kan puang a. Zirtirtu train chhuak thlap, a khaw mi emaw, a khaw \henawm, an thawhna hmuna awm \ha duh tur lak tumin kan inbuatsaih,” a ti a. Mithiam tak tak zirtirtu atan hian lak an lo ni tawh \hin tih sawiin, “Transfer chungchangah harsatna a awm leh \hin a. Transfer dil lo tur, thiam si, an khaw mi lak kan tum a ni,” a ti.
School Education Minister chuan Zirtirtu lak turah hian Lawngtlai leh Saiha tih loh District tinah DPC kaltlangin hna lak hi interview neih a nih tur thu sawiin, “Board Chairman atan DC niin Secretary atan DEO a ni ang a, member atan District tin DIET Principal, SDEO Senior ber an ni bawk ang a, hemi Monitor tur hian DP&AR aiawh pakhat \heuh an \hu tel dawn bawk a ni. District tinah hnalakte hi an Final nghal vek dawn a, Minister dawhkan-ah emaw, Director dawhkan-ah emaw Final tur a ni lo,” a ti a. Chief Minister in ngaih pawimawh bika School Education Department a nei chu lawmawm a tih thu pawh sawiin, “Sawrkar thar hnuaiah thla 6 awrh chhungin hna 1124 lai lak thar a ni tur hi a lawmawm hle. Chief Minister leh Cabinet lungrualna a chhuanawmin a lawmawm ka ti takzet a ni,” a ti bawk.
Minister Lalchhandama Ralte chuan Mizote nunphung milin Sikul timing thlak dang-lam a nih thu pawh sawiin, Continuous and Comprehensive Evaluation (CCE) angin zirtirna dan thar kum 5 vel kan hman, Right to Education dan nen fail theih loh ang chiin zirna kalpui a ni \hin tih a sawi a. “Vai ramah chuan a \ha a ni thei, keini erawh chuan kan thiampui chiah lo a. Tun Session thar April a\anga \anah khan CCE kalphung kan her danglam a, Term Exam angin vawi 3 Exam angin kan kalpui ve leh ta a ni. CCE Modified form kan hmang ta a ni,” a ti a. “Zirtirtu leh a hnathawk Transfer and Posting Rules siam \ul kan ti a, a hmawr kan bawk thei titih tawh a ni,” a ti bawk.
Zirtirtu aikal la te chungchang pawh sawiin School Education Minister chuan, inthlahdah avanga aikal la te chungah action lak a nih tur thu a sawi a. “Khawtlang leh sawrkar pawhin a pawm Cancer natna leh dinhmun khirh bik ni loa aikal la te chungah action lak a ni dawn a, RMSA leh SSA-ah pawh ngenna kan siam. Tin, Sikul Inspection uar thar \ul kan ti a, a hmunah ngei enfiah \hin turin kan ti a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia