Electric siam lai electric current man vangin boral

Nimin chhun khan Ramkinlova (44), New Serchhip Venglai chu Electric an siamna ah Electric current in manin damdawi In panpui a nih hnuah a boral.

Thudawn danin kar kalta Nilaini-a Ser-chhip Chanmari Veng Tarpi tlang pang min chu Ningani khan JCB hmanga thenfai tum a ni a, hetah hian JCB hian Electric ban pakhat chu tichhe palhin hemi Ni hian electric line hi phelh nghal a ni a. P&E Department chuan nimin khan electric ban chhia hi siam\haa line thlung turin an thawkchhuak leh a. Electric ban bung te an zawm hnuah Electric hrui thlung turin Ramkinlova h/o Baby Lalrintluangi hi Electric ban-ah hian lawnin lei a\anga hrui an pek chu alo pawt a, hetah hian electrict hian a man ta nia thudawn a ni a, helai hmuna a hnathawhpui te chuan hetianga electric hrui a pawh lai hian lei a\angin hrui pawh hi an la vuan ve tho tih an sawi bawk.

Ramkinlova hi Serchhip damdawi In-ah hruai nghal niin damdawi In panpui a nih hnu chhun dar 12:30 vel khan a boral zui a. A ruang hi a u, RL. Muanawma te In, IOC Veng-ah lak niin nizan khan lumen a nih hnuah Vawiin-ah vuiliam a ni ang. Ramkinlova hian a nupui leh a fate a kalsan a ni.