Education Department leh DDK te thawkho dawn

Mizoram sawrkar-a School Education Department leh Door-darshan Kendra (DDK) Aizawl te chuan kum khat chhunga thawhhona tur, Memorundum of Agreement (MoA) chu niminpiah tlai khan an ziak.
School Education Minister Office Chamber-a School Education Department leh DDK Aizawl ten Memorandum of Agreement an ziahna hunah hian School Education Minister, Lalchhandama Ralte chuan kum 2015 a\anga thawhho tawh chhunzawmna tura inremna ziah a ni leh thei chu lawmawm a tih thu leh chumi tihlawhtling tura amah ngei a awm thei chu lawmawm a tih thu a sawi a. Kan ramin zirna kawnga hma a sawnna phochhuahna tur leh mipuite kawng dik kan kawhhmuh theihna tur te, Zirna \ha mi nawlpuiin kan chanho theihna tura he programme siam a ni chu lawmawm a tih thu sawiin, zirna lama hmasawnna rahbi thar kan zawhna hmanraw \angkai anih theih a beisei thu a sawi bawk.
He thawhhona thuthlungah hian School Education Department aiawhin Esther Lalruatkimi, Commissioner & Secretary-in hming a ziak a, Doordarshan Kendra aiawhin Wongchan Ramsan, Head of Programme chuan a ziak a. Thawhhona ang hian School Education Director kaihhruaina hnuaiah State Level Advisory Committee-in Programme tihchhuah dan tur ruahmanin Media Cell-ten programme an siam \hin dawn a. He Programme, Zirna huang tia vuah hi DDK Aizawl-in chawlhkar tin Ningani tlai dar 6:00 - 6:30 chhungin a tichhuak ziah ang a, kum khat chhungin Episode 52 tihchhuah a ni ang a. School Education Department hian he programme puanchhuah man (broadcasting fee) hi a chawi zel dawn a ni. School Education Department hi MBSE leh SCERT te nen an thawkho ve leh ang a, mipuite hnena puanzar tur pawh hi an thawhkhawm ve leh dawn a ni.

Comments

Popular posts from this blog

PAN CARD an tih teh fo hi - Laldinpuia