NHM Team in Champhai District Hospital enfiah

National Health Mission (NHM) Team te chuan nimin khan Champhai District Hospital tlawhin Supportive Supervision an nei.

NHM Team te hian District Hospital-a nau neihna leh naupiang hlim enkawlna te chu tlawhin an record te en enfiah a. He endikna in a ngaih pawimawh ber chu Champhai District Hospital-a Sick New Born Care Unit (SNCU) bul \an mek enkawl zel dan tur a ni a. SNCU hi nausen pianghlim dam lo enkawlna tura ruahman niin, a bikin Champhai District Hospital leh Damdawi In hmundanga naupiang damlo leh harsatna neite enkawlna tur a duan a ni. SNCU-ah hian nausen pianghlim kg 2.5 tling lo te enkawlna ngaihpawimawh zual niin, tun dinhmunah Champhai District Hospital-a Sick New Born Care Unit-ah hian nausen damlo 79 lai admit a enkawl tawh a ni a, heng nausen admit tawh a\ang hian kg 2.5 tling lo te ngaih pawimawh zual an ni bawk. Hei bakah hian nau neihna Room vawnfel leh enkawl thianghlim dan te pawh enfiah nghal a ni bawk.