ZPM in ECI Registration an hmuh an lawm

Zoram Peoples’ Movement (ZPM) chuan tunhnaia Election Commission of India a\anga Party Registration an dawn thar chu nimin khan an lawm.
Nimin a Aizawl-a ZPM Office-a Party Registration an dawn thar an lawmna hun hi ZPM Senior Vice Chairman, Dr. Kenneth Chawngliana chuan kaihruaiin ZPM Leader, K. Sapdanga chuan ZPM party lo piang ta chu political party dang \henkhat helh tawk a tlin thu leh lal thar lo piang tur ang hiala an ngaih avangin an mangang hle a ni, a ti a. ZPM chu Zoram mipui nghahfak awmchhun a nih avangin an dinchhuah theih loh dan tur Party dangin an ngaihtuah ve reng a, hei hi a ti\huanawptu ah \ang lova, an Party chuan chak zawka hma sawn theih nan \anla turin an Party mipuite a ngen a ni.
K. Sapdanga chuan, tunhma deuh kha chuan Party Registration hi a duh apiang dil theih a ni tih sawiin, nikum khan ECI lamin dan thar siamin a dilna Form ringawt pawh Rs. 10,000/- an chhiar a, a hriatpuitu pawh party mi 100, Aadhar Card nei vek ngeih a ngai a, inthlan hma khan hei hi tifel hman tura hmala mah se, ECI lam buai deuh bakah anmahni pawh inthlan hmachhawn tura inbuatsaih an ngaih avangin an tithei ta lova, inthlan zawh hnu hun remchang hmasa berah buaipui leh nghalin, hlawhtlinna an hmu ta tih he hunah hian a sawi bawk.

Comments

Chhiar Hlawhte