Industrial Development Board \hutkhawm nei

Mizoram sawrkar-in Board hrang hrang a din thar zing ami, Industrial Development Board chu nimin khan an Chairman, Dr. R. Lalthangliana, Commerce & Industries Minister hovin Secretariat Conference Hall, New Capital Complex-ah an \hukhawm.

He \hutkhawm ah hian Dr. R. Lalthangliana chuan Baseline Survey tih \hat leh \hatloh chungchangah SEDP hlawhtlinna thui takin a innghat dawn tih sawiin, Industry hmasawnna thlen tak tak thei turin \an an lak a pawimawh thu a sawi a, SEDP hnuaiah hian Industrial Sector a\angin Unemployment Problem sutkian dan tur ngaihtuah a pawimawh thu a sawi bawk. Industrial Development Board \hukhawm hian Sawrkar Flagship Programme, SEDP hnuaia Non-Farm Sector tihhmasawnna tur kawng hrang hrang an ngaihtuah a, Baseline Survey nei tura inpuahchah chungchang te, Industrial Development Board hnuaia Working Group din chungchang te, Non-Farm Sector hnuaia thlurbing tur Trade hrang hrang chungchang te an sawi bakah thlai thar sawngbawl dan tur ruahman chungchang te an sawiho a ni.