ILP hmang diklo dapchhuah runpui neih rel

Nimin a Lunglei-a sawrkar mi pawimawh te leh tlawmngai pawl aiawhte \hukhawm chuan hnamdang dan lova awm leh ILP hmang diklo te dapchuah runpui chu hun remchang hmasa berah neih nise an ti.

Nimin khan Lunglei-ah Addl. DC, David Liansanglura Pachuau hovin sawrkar thuneitu, zirlai pawl, YMA leh Police te chuan Mizoram-a hnamdang awm phalna, Inner Line Permit (ILP) hmang diklo leh dan lova lo lute leh sumdawngte chungchanga hmalak dan tur an sawiho a. Addl. DC chuan MZP in Home Minister hnena ngenna thlena Mizoram chhunga hnamdang dan lova lutte dapchhuaha hrem an nih theih nana sawrkar puihna an dil, Home Deparment in District hrang hranga thuneitute beihpui thlak tura a hriattir bawhzuina tura Meeting hi neih a nih thu a sawi bawk.

Meeting-ah hian Zirlai pawl leh YMA aiawhte pawhin hnamdang dan lova khawsa te an lo dapchhuah tawh dan leh ngawrh zawka hmalak a \ul zia sawiin, Lunglei leh Hnahthial bikah ILP hman dikloh a hluar zual thu an sawi a. Meeting chuan beihpui thlaka hnamdang dan lova awm leh ILP hmang diklo te dapchuah runpui chu remchang hmasa bera neih turin an rel a ni. He hunah hian Addl. SP, Lalchhuanthanga pawhin ILP dapchhuah kawnga Police te hmalak dan tarlangin, inthlahdah lova an kalpui mek thu leh dan bawhchhia thawnletna tur sum an hmuh thu a sawi bawk.