Infiammi te tana sum ruahman tihpun a ni

/
Kum 2019-2020 chhunga Mizoram State Sports Council Budget ngaihtuahin niminpiah tlai khan Mizoram State Sports Council (MSSC) General Body Meeting neih a ni a, he hun hi MSSC President leh Sports Minister ni bawk, Robert Romawia Royte chuan a kaihruai a ni.
Hawla Indoor Stadium-a MSSC General Body Meeting-ah hian Sports Minister chuan Sawrkarin infiammite hmasawnna tur nasa taka a ngaihtuah mek thu leh Mizoram State Games ropui tak neih tuma inbuatsaihna a kal mek thu a sawi bawk. Mizoram Sawrkar hnuaia State Level Sports Association hrang hrang 32 thlungkhawmtu Mizoram State Sports Council hian kumtin General Body meeting neiin an sum hman tur an ruahman \hin a. Nikum khan Sports Association Promotional Fund (Budget)-ah Rs. 2,08,70,000/- dah a ni a, kumin hian 20% a tihpun chhoh niin Rs. 2,50,44,000/- a ni ta a, a punna chu Rs. 41,74,000/- a ni. Mizoram-a District pariat a District Sports Committee Budget-ah nikum (2018-19) khan Rs. 16,20,000/- dah niin kumin (2019-20) atan Rs. 24,30,000/- dah a ni a, kum hmasa aia a punna chu Rs. 8,10,000/- niin 50% a pung chho a ni.
Mizoram State Sports Council (MSSC) hnuaiah hian Sports Association 32 awm mahse Cricket Association of Mizoram chu BCCI (Board of Control for Cricket in India) hnuaia an awm tak avangin MSSC a\angin Fund an dawng ve thei tawh lova, hei vang hian Promotional Fund te hi Sports Association 31-te tan semzai a ni dawn a ni. Hei bakah hian Establishment-ah Rs. 95,00,000/-; Reserved Fund-ah Rs. 5,00,000/-; Other Promotional-ah Rs.115,10,000/-; Sports Medicine-ah Rs. 5,00,000/- leh Sports Infrustructure-ah Rs. 50,00,000/- ruahman niin pawm (passed) a ni bawk a. MSSC-in India ram aiawha khawvel huap inelna lian (International event)-a tel te \anpuina, Kit Allowances Rs. 10,000/- a pek \hin chu a vawikhatna atan tipungin Rs. 20,000/- pek \hin an ni tawh dawn a. Infiammi Mizoram, rampawn leh ramchhunga ei in man (DA/Food Charges) Rs. 250/- per day chu rampawn bikah Rs. 400/- per day-a tihpun a ni a, ram chhungah Rs. 350/- per day-ah tihpun a ni bawk.
Kum kalta 2018-2019 chhungin Sports Association zingah Mizoram Amateur Taekwondo Association chuan International, National leh Regional-ah Medal 262 dawngin Medal dawng hnem ber an ni a. All Mizoram Karate Association chuan International, National leh Regional-ah Medal 115 dawngin an dawt a, Muaythai Association of Mizoram chuan National leh Regional-ah Medal 44 dawngin pathumna an ni bawk a. Hetihlai hian International, National leh Regional Level-a Medal dawng lo Sports Association 14 an awm bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »