Mizoram Map siam thuai duh

PRISM Party leh JAC on Innerline 509 Square Mile Demand te chuan Mizoram Map siam thuai turin sawrkar an duh thu an sawi.

Tunhnaia PRISM in Mizoram Map a tihchhuah boruak kal zelah JAC on Innerline 509 Square Mile Demand chuan Map thuhmun neih \ul an tih avangin nimin khan Aizawl-a PRISM Party Office-ah PRISM Party hruaitute kawmin Mizoram Map awmze nei neih thuai \ul an tih thu sawiin, hma la thuai thuai turin Mizoram sawrkar an duh thu an sawi a. JAC hruaitu te chuan tuna Mizoram Map anga hman lai hi a diklo tiin a dik loh dan an sawifiah a. Map diklo hman reng hi Ram leh Hnam tan a \hat loh avanga Map dik siamchhuah thuai \ul an tih thu an sawi a. PRISM hruaitute chuan kan ram chin hauh tura sawrkar a chet \ul an tih thu sawiin, ram humhalh chu sawrkar din chhan leh hnapui ber pakhat nia an ngaih thu leh hma la ngam tura sawrkar an duh thu te an sawi bawk.