Serchhip-ah Beer leh BEDC \hahnem tak man a ni

Serchhip-a Excise & Narcotics Department te chuan niminpiah zing khan Serchhip-ah Burma Zu tia hriat, BEDC leh Beer \hahnem tak manin tlai lamah BEDC hi tam tham tak an man belh bawk.

Thudawn danin Serchhip-a Excise & Narcotics Department hian niminpiah zing khan Serchhip Dinthar Veng-a Sesah lui bulah Myanmar a\anga lakluh Beer Cane 864 zet an man a, a neitu nia hriat, Lalpanliani (44) D/o Kawl-sawimanga, Zokhawthar nia insawi leh a phurhna Motor khalhtu, Lalchhuanawma (29) S/o Ronghinglova (L), Chhiahtlang Kawn Veng nia inchhal te pawh an man nghal a, thubuai siam sak an ni. Hemi hnu hian Excise & Narcotics Department te hian Burma Zu tia hriat, BEDC litre 80 zet chu an man leh bawk a ni.

Excise & Narcotics Department hian niminpiah tlai khan Serchhip Zawlpui peng-ah BEDC litre 414 zet an man leh bawk a, heng BEDC te hi ramhnuai-a thuhruk phawrhchhuah dawn laia man a ni a, Darnam Branch YMA te nen \angkawpa man niin heng Zu te hi litre 18 dawng Bur 23-ah dah niin a vaiin litrea 414 ni chhut a ni bawk. Heng Zu leh Beer kengtute hian an thil ken hi Aizawl Rangvamual lama phurhthlak tur a nih thu an sawi a, heng an thil man te hi Excise & Narcotics Department hotute chuan an chhui zui mek a ni. Thudawn danin BEDC te hi Bur khat Rs. 12,000 velin an la \hin a, Rs. 25,000/- in an hralh leh \hin nia thudawn niin Beer hi Case khat Rs. 1800/- vela lak a ni.