PwD ten kokim zawka Vote an thlak theih dan tur sawiho

Nimin khan Serchhip DC’s Office Chamber-ah District Monitoring Committee on Accessible Election chu \hukhawmin Election Commission of India (ECI) in tun inthlan hnuhnung bera Acessible Elections chungchanga report a rawn dil chungchang sawiho a ni.

He Meeting hi Addl. DEO, Chuauhnuna chuan kaihruaiin Member kal te lawmna thu a sawi hnuah Meeting koh a nih chhan te sawiin, inthlanpui neih zawh taka pianphunga rualbanlo (PwD) ten Vote an thlakna tura hmalak dan hrang hrangte Election Commission of India in a hriat duh thu leh hemi kawnga an hmalakna leh rawtna neih te sawiho tura Meeting hi neih a nih thu a sawi.

He hunah hian Serchhip Election Officer, Vanlalhmachhuana chuan District Level Standing Committee on Accessible Election in hma an lakna hrang hrang 6 te tarlangin, MPF Serchhip District Forum-a President leh Secretary ten Lok Sabha inthlanpui leh Assembly inthlanpui neih zawh taka PwD ten Vote an thlak theihna tura hma an lak dan leh an hnathawh dan te tarlangin, rawtna an neih te an tarlang bawk.

He Meeting hian PwD ten tun aia kim zawka inthlanpuia Vote an thlak theihna tura hmalakna tur hrang hrang an tarlan zingah Polling Station hrang hrangah Line Department te nen PwD te Electoral Roll-a an inziahluh theihna atan leh Vote an thlak theihna tura inzirtirna nasa zawk neih te, Serchhip District chhung Assembly Constituency pathum a rualbanlo (PwDs) ten ECI duhdana an veivahna leh chetvelna atana an mawmawh nia lang Polling Station tin-a Wheelchair dah pawimawh an tih thu te, College zirlai ten nasa zawkin SVEEP Campaign neih \ul an tih thu leh Media hrang hrangah in-zirtirna uar zawka neih zel thu te pawh a tel a ni. Nimin a he Meeting-ah hian Election Official te bakah tlawmngai pawl te bakah MPF leh zirna In sang aiawhte pawh an tel a ni.