NH. 54 leimin in a hnawh thenfai tum mek zel a ni

Zirtawpni kalta zing dar 4:00 vela Mualkhang dai leimin in National Highway-54 kawngpui meter 200 vel zeta thui a hnawh chu laih tlang tumin PWD Highway Division-5 te chuan ngawrh takin hna an thawk chho mek a, a reilo berah chawlhkar thum (3) vel hun a la duh an rin thu thawktuten an sawi.

Mualkhang leimin-a kawng hnawhtu lung lianpui puite hi Air compressor hmanga verhin a chhak lam nghawr nasa lo thei ang bera hal darh tum a ni a. A kawng chhuat Concrete Slab te chu leimin hian a nawr chhiat nasat avangin kawng hi lai tlang mahse rit phur motor lian tlan tir nghal mai chi a ni dawn lova, rit phur motor lian tlan theihna tura siam leh phawt a ngaih tur thu thawktute chuan an sawi. He lei tla thenfai hna hi hmun hnih a\angin thawh a ni a, zan lamah dar 7:00 thleng bun \hin niin lung te hi tla leh mai thei dinhmun ah ala din avangin zan lama thawh chu a himloh thu an sawi bawk.