MZP in Aizawl-ah ‘Ramchhan kawngzawh’ neiin Mizoram Map hman mek chu a diklo tih an sawi

MZP General Hqrs. chuan nimin khan Aizawl-ah 'Ramchhan Kawngzawh' neiin MZP President, L. Ramdinliana Renthlei chuan ramri chungchangah MZP te chuan nasa taka hma an lo lak tawh thu a sawi a. Kan Sawrkar hrawn tawh ten zirlaite hmalakna an bawhzui ngam lo \hin leh zirlaite thlavang an hauh ngam lo \hin chuan zirlaite rilru a ti na hle tih a sawi.

Mizo Zirlai Pawl (MZP) in nimin-a Aizawl-a 'Ramchhan Kawngzawh' an neih hi Khatla a\ang leh Zarkawt a\anga \anin Vanapa Hall kawt-ah an intawkkhawm a. He hunah hian hun hmang zui nghalin MZP General Hqrs. President, L. Ramdinliana Renthlei chuan tunhnaia Vairengte daia Assam Forest hoin In an rawn sak an luahluh nghal thu sawiin, Rulling MLA emaw, Oppossion MLA emaw te Vairengte thlavang hauh tur leh Mizo mipui chhan tura ke an la pen ngam lo chu mak an tih thu leh kan ram hruaitu, kan MLA ten kan ramri hi an vei loh zia a langchiang hle nia an ngaih thu a sawi a. Vairengte dai-a Sipai Cinema Hall hlui hmuna Assam Forest Department te chhuah tir tura an phut chungchangah Home Minister a\angin chhanna an hmuh thu leh Assam lam nen sawiho mek a nih thu an dawn thu pawh a sawi a. Mizoram Chief Minister hmasa ber, Pu Ch. Chhunga (L) leilet zawl-a Zofate Chawlhbuk sa tura an ngenna chu Home Minister a\anga chhanna an hmuh ah ‘Tun dinhmunah chuan State Sawrkar ang chuan a rem rih lo ah kan ngai,’ tih a ni tih sawiin, “Zirlaite thilphut tihhlawhtling thei lo Sawrkar kan nei hi a lawmawm loh hle a ni,” a ti.
MZP President chuan Ramri chungchang ah MZP ten nasa taka hma an lo lak tawh \hin thu pawh sawiin, vuak leh Silai kah hial te an tawh \hin thu a sawi a, “Hetihlaia kan Sawrkar hrawn tawh ten zirlaite hmalakna an bawhzui ngam lo \hin leh zirlaite thlavang an hauh ngam lo \hin hi Vawiin hian zirlaite rilru a na a ni,” a ti.
Kawng an zawh chhan zawhna an dawn thu pawh MZP President, L. Ramdinliana Renthlei chuan sawiin, “Zirlai ten thisen chhuak hial a kan beih, nunna chan huam chunga kan beih chung pawhin Mizoram Sawrkar in hmalakna a neih \hin loh avangin kan Sawrkar karna atan leh kan Sawrkar auh eih nan kawng hi zawh a ngai leh \hin a ni. Kan Sawrkar hian a ram mipuite duh dan hian hma la se chuan Kawngzawh leh \hin hi a ngai lo tur a ni,” a ti a. “Assam state chu an Sawrkar a huaisen a, an Sawr-kar auh eih chawp an ngai ve lo a, an Sawrkarin an vei a ni. Assam Sawrkar ang hian Mizoram Sawrkar hian vei ve se, huaisen ve se zirlaiten kawng kan zawh hi a ngai bik lo ang,” tiin Mizoram Map hmanlai chu a diklo tiin an halral nghal bawk.
MZP ‘RAMCHHAN kawngzawh' Resolution pass te :
1. Mizoram leh Assam ramri Assam state in min lo chuhpui thin hi chinfel a nih theih nan Mizoram Sawrkar in chak takin hma la rawh se.
2. Mizoram Sorkar Council of Minister Meeting in Bengal Eastern Fontier Regulation 1873 hmanga 1875 notification a chhuah, Mizoram leh Assam ramri atan a pawm hi lawmawm kan ti hle a. Hei hi a taka a hlawhtlin theih nan Mizoram Sawrkar in chak takin hma la se la, Inner Line Reserve Forest Area 509 Assam Forest Department in a enkawl mek hi Mizoram Forest Department in a enkawl letleh theih nan Mizoram Sawrkar in hma la rawh se.
3. Mizoram Map kan hman lai hi Map diklo a ni a, 1875 ramri anga Map dik tak hman a nih theih nan Mizoram Sawrkar hian Official in Mizoram a hman turin a rang lamin siam tha rawh se.
4. Mizoram Sawrkar hian kan ramchhung a, a bikin Inner Line Reserved Forest Area 509 Sq. Miles chhunga dan lo anga in bengbel te leh Assam Forest Department lakah hian Schedule Cast and Schedule Tribe Prevention of Attrocities Act hnuaiah dan angin hma la rawh se.
5. Mizoram kan chan belh zel loh nan leh kan pi leh pu te luahchin ram Mizoram chin humhalh a, kan neih let leh ngei theih nan Mizo zirlai ten hma kan lak chhunzawm zel dawn a ni.

Comments

Chhiar Hlawhte