CM hovin Social Rehabilitation Board \hutkhawm nei

Social Rehabilitation Board chu nimin khan Chief Minister, Zoramthanga hova \hukhawmin Board hmalakna tur hrang hrang leh thawh tur hmanhmawh zual bik te an sawiho.

Chief Minister Office Conference Hall-a Social Rehabilitation Board \hutkhawm ah hian Chief Minister, Zoram-thanga chuan Zu leh drugs in chhungkaw tam tak a tihbuai mek avangin Social Rehabilitation Board chuan hmabak hmanhmawhthlak leh pawi-mawh tak a neih thu a sawi a. Tun dinhmunah ruih-theih thil a buai te enkawl dam turin Se\hawn-ah inenkawlna hmunpui siam chu ke penna hmasa ber nise a ti a. Hemi atan hian tlawmngai pawlte, Kohhran leh sawrkar Department hrang hrang ten inlungrual taka an thawhho a pawimawh tur thu a sawi a. Hemi rual hian mimal leh pawl anga De-addiction cum Rehabilitation Centre kalpui mekte chu an hmalaknaah theih ang anga sawrkar in a puih tur thu a sawi bawk.

Social Rehabilitation Board Chairman, Dr. K. Beichhua chuan Zu leh ruihhlo avanga harsatna tawkte enkawl tura hmalakna kalpui mek hrang hrang report pe in, De-addiction Centre hrang hrang ten inangkhat veka an zawm tur inkaihhruaina - Standard Operating Procedure (SOP) siam a nih thu leh heng De-addiction Centre te Accreditation pek an nih theih nan inkaih-hruaina siam mek a nih thu te a sawi bawk.

Meeting hian chet lak dan tur ruahmanna siam tura Committee din an rel a, Se\hawn-a Centre siam tumah hian ruihhlo ngaite tunlai thiamna hmanga an taksa enkawl dam mai piah lamah Counseling te pek an nih a, an chhuahsan hnu pawha an intunnun ve theihna tur thiamthil te zirtir a, an taksa insawizawina tur hmun te leh sum an dehchhuah ve theihna tur thlenga ruahmanna siam ni se an ti a. Karleh hian Chief Minister ho in Board member ten a hmunhma enfiah an rel bawk.