Latest News

Piang leh thi chhinchhiah vek turin sawrkar in hma la

Mizoram-a naupiang leh thi zawng zawng te chhinchhiah vek an nih theihna turin sawrkar chuan hma a la mek.
Registration of Births & Deaths Act 1969 chuan India khua leh tui zawng zawng chu an pian leh an thih chhinchhiahna a awm ngei ngei tur a ni tiin chhinchhiah vek tur hian a phut a, hei hi zaa za ti hlawhtling turin sawrkar chuan nasa takin hma a la mek a. Tunah hian Mizoram pumah naupiang leh thi chhinchhiahtu tur, Registrar of Births & Deaths (RBD) 843 leh Medical Institution-ah Registrar 103 an awm mek a ni.
Mizoram-ah hian mihring piang leh thi an awm chuan an pian emaw, an thih emaw a\anga ni 21 thleng engmah chawi ngai lovin tualchhunga RBD-te'n Certificate an pechhuak thei a; hemi hun chhunga la hmanlo te tan ni 22 a\anga ni 30 inkarah late fee Rs. 10/- leh Certificate man Rs. 100/- chawiin RBD-te hnen a\angin Certificate lak theih a ni a; chumi bak ni 31 chin chu kum 1 thlengin DRO/Asst. District Registrar a\angin late fee Rs. 100/- leh Certificate man Rs. 100/- chawiin lakchhuah theih a ni a; kum 1 a pelh tawh chuan late fee Rs. 1000/- leh Certificate man Rs. 1000/- chawiin Judicial Magistrate 1st Class kaltlanga dil a ngai tawh thung a ni.

Comments

Popular News (Last 30 Days)