Serchhip-ah Cement harsatna thleng mek

/
Tun thla ni 19-a Mualkhang Huanmawi bula leimin avanga harsatna thleng mekah Serchhip-a Cement lei tur a awm tawh lo a, In sa mek leh hna-thawk mek mi \hahnem takin harsatna an tawk mek a ni.
Serchhip-a Cement zuartute chuan he leimin avang hian Cement phurtu te an kaltlang theilo tih sawiin, a tir lama tang, kawngpui hawn chhanga rawn chhuah te chu Bawngkawn-a leimin ah an tan leh avangin Serchhip-a dah tur Cement te chu Aizawl lamah pek an nih leh thu an sawi a. Tunah hian Motor te hi tlang zeuh zeuh mah se Cement phurtu Motor te hi Motor lian an nih avangin an rawn tlang theih hun tur an la hrelo tih an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »