Serchhip District Statistical Handbook tlangzarh

Serchhip District pumah  mi 64,937 an cheng

Economic & Statistic Department hnuaia District Research Office, Serchhip in Serchhip District Statistical Handbook an buatsaih hmasak ber chu nimin khan Serchhip District Bawrhsap, Sangchhin Chinzah chuan a tlangzarh a. He lehkhabu-a tarlan a nih danin District pumah mi 64,937 chengin za zela 97.911 in ziak leh chhiar an thiam a ni.

Serchhip District Statistical Handbook-2019 tlangzarhna hun Serchhip DC’s Conference Hall-a neih ah District Bawrhsap, Sangchhin Chinzah chuan Statistical Handbook chu Data leh Statistic hrang hrang lakkhawm a Bu-a dahna a nih thu sawiin, ruahmanna felfai tak neih chu ram leh Hnam tana hmasawnna tura thil pawimawh a nih thu a sawi a. Serchhip District in Statistical Hanbook hmasa ber a nei thei ta chu lawmawm a tih thu leh hemi hmang hian Serchhip District-a sawrkar Department hrang hrangte pawhin hma an lakna tur chiang taka an hriat theih phah tur thu sawiin, sawrkar pawhin heng Policy leh Plan pawh siam dawn se Statistic leh Data mumal neih a ngaih thu leh chumi atan tuna an lehkhabu tlangzarh tak chu a pawimawh thu a sawi a. Sawrkar Department mai bakah mipuite leh thil zirmi te pawhin an \angkaipui ngei a beisei thu a sawi bawk. District Bawrhsap chuan Mizote hian Planning (ruahmanna) pawimawh zia kan hre tawklo emaw tih tur a nih fo thu pawh sawiin, a pawimawh zia kan le hre deuh deuh dawn tih a sawi a. District Statistical Handbook hmasa ber kan neih theihna tura District Research Officer (DRO) Office, Serchhip-a thawk te inpekna chu lawmawm a tih thu a sawi bawk.
Nimin a Serchhip District Statistical Handbook-2019 tlangzarhna inkhawm hi Serchhip District Research Officer (DRO), Manliana chuan kaihruaiin Lalthangmawia, Inspector of Statistics chuan Handbook buatsaih a nih dan sawiin, Mizoram Statistical Handbook zulzuia Data te hi lakkhawm a nih thu a sawi a. Tuna an tlangzarh tak hi District bil Handbook hmasa ber a nih thu te, Data lakkhawm kawnga mipui, tlawmngai pawl, Kohhran leh sawrkar Department hrang hrang ten an thawhpui \hat avanga lawmawm a tih thute sawiin, Handbook chu phek 82 a chhah, Conversion Table engemawzat keng tela an buatsaih thu a sawi a. Distrit Statistical Handbook hmasa ber a nih avanga duhthu sam lo lai te pawh a awm thu sawiin, Data tam ber hi sawrkar Department a\anga an lakkhawm a nih avangin dik tura an ngaih thu a tarlang bawk.
Serchhip District Statistical Handbook tlangzarhna hunah hian Sawrkar Department, tlawmngai pawl leh thuthar thehdarhtute sawm niin he huna kal te hnenah hian a thlawnin sem nghal a ni a, hei bakah hian sawrkar Department hrang hrangte chu a thlawna la pek leh tura ruahman niin chumi hnuah bang ala awm a nih chuan a duh apiang tan pakhat Rs. 50/- zela la hralh leh theih tura ruahman a ni.
Nimin a tlangzarh tak Serchhip District Statistical Handbook-a tarlan a nih danin Serchhip District hi Sq. KM 1,421-a zau niin Civil Sub-Division pahnih leh RD Block pahnih a awm a. Kum 2011 Cencus-ah Village 39 a awm laiin Village Survey-2017 ah chuan khua 40 a awm thung a. Town 3 awmin District pumah mihring 64,937 an cheng a, hei hi Mipa 32,851 leh Hmeichhia 32,086 a ni a. Sq. Km khat zelah mi 46 cheng ang a ni bawk. Serchhip District a mihring cheng zawng zawng zinga 32,918 chu thingtlang (Rural Area)-a cheng niin 32,019 chu khawpui (Urban)-a cheng ang an ni a. Mipa 100 zela hmeichhia awm zat (Sex ratio) chu 977 a ni bawk.
Kum 2011 chhiarpui a\anga a lan danin Serchhip District-ah hian chhungkua 12,622 an awm a. Mipa za zela 98.28 leh Hmeichhia za zela 97.53 te chu ziak leh chhiar thiam anga chhin-chhiah niin ziak leh chhiar thiam zawng zawng hi 97.91% a ni bawk.

Comments

Popular posts from this blog

PAN CARD an tih teh fo hi - Laldinpuia