MZP in 'Ram Chhan Kawngzawh' an nei dawn

Mizo Zirlai Pawl (MZP) chuan naktuk, July 19, 2019 chawhma dar 11:00 a\angin Aizawl-ah 'Ram Chhan Kawngzawh' an huaihawt dawn.
Hemi chungchangah hian nimin khan Aizawl Press Club-ah thuthar lakhawmtute kawmin MZP General Hqrs. President, L. Ramdinliana Renthlei chuan, tunhnaia Vairengte khawdaia Sipai Cinema Hall hlui Assam Forest ten sa \ha a Office atan an luah nghal thei chu pawi an tih thu a sawi a. Sipai Cinema Hall hluia Assam Forest in In an sak \hat an luah nghal chu July ni 12, 2019 ralhmaa chhuah tir turin Mizoram sawrkar an ngen tawh tih a sawi a. An chhuak lo anih chuan July ni 17, 2019 ralhmaa Bairabi Zophai hmuna Zofate Chawlbuk sa ve ngei turin Mizoram sawrkar an phut tih sawiin, July ni 17, 2019 ralhmaa Zofate Chawlhbuk sak a nih loh chuan 'Ram Chhan Kawngzawh' neih nise tih a nih angin an thilphut angte sawrkarin a tih hlawhtlin tak loh avangin MZP chuan 'Ram Chhan Kawngzawh' nei turin a inbuatsaih tih a sawi.
Kan pi leh pu te luahchin ram humhalh anih theih nan MZP chuan nasa takin hma a la \hin tih sawiin MZP President chuan, hemi kawnga hma a lakna pakhat atan tiin kum Feb. 20, 2018 khan Zofate Chawlhbuk chu Mizoram Chief Minister hmasa ber, Ch. Chhunga (L) leilet Zophai, Bairabi hmunah sak a ni tih a sawi a. Zofate Chawlhbuk chu Assam Police leh Assam Forest Department ten zan dar 10:00 velah \hiatin Buk sakna hmanrua zawng zawng pawh an lakbo nghal thu leh hemi hnua thil thleng te a sawi a. Nikum 2018 Zophai Bairabi hmun a MZP-te hmalakna avang khan Central Sawrkar auh ei a lo ni tawh tih sawiin, “Central Sawrkar kaihhruaina hnuiah Mizoram leh Assam te nen Meeting neih \hin a ni a, Inner Line Reserve Forest Area 509 Sq. Miles chhunga dan lova awm Building leh huan leh ram te enfiah nise tih a ni a, hmun engemaw zat enfiah a ni tawh a, Phaisen area enfiah a nih dawnin kan duh dan a in an loh avangin chhunzawm theih a ni ta rih lo a. Central Sawrkar hotute chuan Mizoram Team lam chu ‘In sawrkar hotute nen in ram china in pawm han sawifel ula min lo hrilh leh anga, kan inbe leh dawn a nia’ an ti ta a ni. Hemi a nih avang hian Mizoram leh Assam ramri chungchang a inbiakna chu Mizoram Sorkar kutah a tang ta rih a ni,” an ti.
MZP President chuan sawrkar thar, MNF Ministry-ah pawh sawrkar thuneitute Chief Minister, Home Minister leh Bairabi Zophai bialtu Minister pawh vawi tam sawipui an ni tawh tih sawiin, Core Committee pawh din thar leh a nih thu leh Meeting pawh neih tawh niin MZP-te chu ramri chungchanga document a neih angte lo la khawm tura tih an nih angin an document lakkhawm te chu April ni 16, 2019 khan thehluh a ni tawh a, hmalakna engmah hmuh tur a awm zui ta lo niin an sawi bawk.

Comments

Popular posts from this blog

PAN CARD an tih teh fo hi - Laldinpuia