Mipui chhan ngam sawrkar mamawh niin sawi

PRISM Party President, Vanlalruata chuan ramri buai chingfel tura sawrkar in hma a lak dan chu a chak tawklo hle tih sawiin, mipui chhan ngam sawrkar kan mamawh takzet niin a sawi.

Nimin chawhnu-a PRISM Party in Aizawl-a Meeting an neih ah PRISM Party President, Vanlalruata chuan ramri buai chingfel tura sawrkar hmalakna duhkhawp Mizoram hian kan la neilo nia sawiin, sawrkarna lo siam tawh leh siam mek ten inpuhmawhna-a an hmang fo chu Zoram mipuiin an kham tawh hle tih a sawi a. Ram mipuite himna ngaihtuaha hmala a, thu a sawifel theih a nihloh pawhin tharum hman mai tur a nih laiin sawi pung pung chi a nilo tih sawiin, Sawrkarna lo siam tawhte kheng chunga tharum hman an tumloh thu Home Minister-in a sawi pawh hi thil tihchi ni ah ka ngai lo a ni,” a ti a. “Mahni ram humhim hi sawrkar tih tur bulpui leh a dinchhan a ni tih hre nawn turin kan duh a ni,” a ti bawk. PRISM Party chuan MLA Inthlanah khan Assam in a enkawl lai kan ram, Innerline Reserved Forest laklet an tlangaupui tih sawiin, ti thei dinhmuna an ding a nih chuan an ti hlawhtling ngei ang tih an sawi bawk.