MSU leh sawrkar in inremna siam ta

Mizo Students’ Union (MSU) General Hqrs. chuan Mizoram sawrkar-a Education Department-in Muster Roll-a Zirtirtu a lak turah sawrkar thuneitute nen inremna an siam thu an sawi.

Hemi chungchanga nimin a thuchhuah an siamah MSU General Hqrs. chuan Muster Roll-a Primary School zirtirtu mi 817 leh Middle School zirtirtu mi 64, Written test nei lova Interview hmang chauha lak tum chuan \halaite rilruah nghawng \halo a neih an hlauh avang leh Competitive Mindset a tihchhiat an hlauh avangin Written Test hmang ngeiin hna hi lak nise an tih thu an sawi a. An rawtna te chu a changtu Department Minister hnena an thlenin awmzia a neih loh avang leh Chief Minister hnena thlen hnuah awmzia a neihloh avanga hmalak an tum laiin School Education Minister, Lalchhandama Ralte chuan nimin zing khan leng-ah sawm lehin MSU duh dan leh rawtna hrang hrangte sawiho a nih hnuin inremna an nei thei ta tih an tarlang a.

MSU thuchhuah chuan he zirtirtu lak turah hian MSU duhdan leh ngaihdante dah pawimawih tak chunga MSU leh Education Department te inremna ah chuan School Education Department-in Govt. P/S Teacher 817 leh Govt M/S Teacher 64 a lak turah Personal Interview ah Full Mark 100 niin Full Mark a\ang hian MSU ngen angin Mizoram Teacher Elegibility Test (MTET) Passed in mark 10, Intelligence Quotient (I.Q) in mark 20 leh Locality in mark 20 a kengtel ang tih an tarlang a. Mizo Students Union (MSU) ngenna angin hun lo kal leh zel turah zirtirtu a hlawm a lak a awm anih chuan Written Test hi neih \hin a ni tawh ang tih tarlang bawk.