SRS ruihhlo man cheng nuai 25.02 hu Chief Minister hovin halral a ni

Central YMA Kumpuan Committee hnuaia Suppy Reduction Service (SRS) Batch 9-na ten ruihhlo an mankhawm chi hrang hrang Rs. 82,17,625/- hu a\anga cheng nuai 25.02 hu chu Inrinni zing khan Chief Minister, Zoramthanga’n Aizawl-a Central YMA Office, Tuikhuahtlang-ah a halral.

SRS ruihhlo man halralna hunah hian Chief Minister, Zoramthanga chuan ruihhlo do hna chu hautak viau mahse chhungkua leh khawtlang humhimna, kan fa te nun chhanhimna a nih avangin \ang taka kan chhunzawm tlan a ngai a ni, a ti a. Ruihhlo do chu Mizoram mai nilo khawvel pumin a buaipui thu leh nunna hlu tam tak suattu a nih avanga sum siamna atana ruihhlo hmangtute chu tih takzeta do an ngaih thu a sawi a. Ruihhlo lo kalna dang tura khawchhak lam ram hruaitute nen pawh inbiak a \ul thu te, ruihhlo laluttute leh ramchhunga lo thehdarhtute tireh tura hnathawkte theihtawpa thuam chak a, ruihhlo vanga buai leh harsatna tawkte enkawl dam tura hmun lian leh \ha tak, facility mamawh hrang hrang dahna hmun siam te chu hmalakna tur pawimawh hrang hrang a nih thu sawiin, Se\hawn-a sawkarin ruihhlo ngai enkawlna hmun pui siam a tum thu a sawi bawk.
Suppy Reduction Service (SRS) Batch 9-na te hi kumin April ni 3 a\anga July 20, 2019 thlenga ruihhlo do tura ruatchhuah te an ni a. Anni hian ruihhlo zingah No.4 Heroin an bitum ber a. An hmalakna chi hrang hrangah No.4 Heroin an mante hi Hawng 122 (Rs. 42,70,000 man), Heroin No. 4 Can 660 (Rs.16,50,000 man), Heroin No. 4 Chhinsen 179 (Rs. 1,79,000 man), Heroin No. 4 Bagha Cap 865 (Rs. 4,32,500 man) te an ni a. Ruihhlo dang Trama leh AP mum 15,726 (Rs. 15,72,600 man), Ganja Kg. 15.470 (Rs. 38,675 man) leh Cough Syrup bur 499 (Rs. 74,850 man) te manin a vaiin Rs 82,17,625/- hu a ni a. Heng an thil mante hi Police leh Excise a hlanchhawn engemaw zat neiin SRS kut-a kawl Ganja Kg. 2 leh Heroin No. 4 (hawng 33, can 328, chhinsen 158 leh Bagha cap 728), a vaia Rs. 25,02,000 hu chu Chief Minister ho hian halral a ni.
SRS Batch 9-na hian Ruihlho kaihhnawih ah mi 852 manin Home-a dah mi 47 neiin Excise-a pek mi 66 leh Police a pek mi 19 an nei a. Thla thum chhung hian mi 611 te chu Counselling neihpui an ni bawk.

Comments

Popular posts from this blog

PAN CARD an tih teh fo hi - Laldinpuia