Kumin ah June thla thlengin Dengue vei mi 10 hmuhchhuah niin nunna chan an awmlo thung

Nimin khan Aizawl-a Health Directorate Conference Hall-ah Anti-Dengue Month hman a ni, he hun hi Mizoram sawrkar-a Health & Family Welfare Board Vice Chairman, Dr. ZR. Thiamsanga MLA chuan hmanpuiin kumin ah June thla thlengin Mizoram-ah Dengue vei mi 10 hmuhchhuah an nih tawh thu leh Dengue avanga thi erawh an awmloh thu tarlan a ni.

Nimin a Anti-Dengue Month hmanna ah hian Health & Family Welfare Board Vice Chairman, Dr. ZR. Thiamsanga chuan hriselna chu State mawhphurhna a nih thu leh Sawrkar chuan hmun kilkhawr ber te pawhin mithiamte thiamna an chhawr ngei theih nan Primary Health Care tihchangtlun tuma hmalak mek a nih thu a sawi a. Sawrkarin a kalpui mek, Health Care Scheme pawh Company ruai lovin Sawrkar chuan changtlung zawk a kalpui a nih theih nan hma a lak mek thu leh October thla ah chuan he Scheme hi mipui ten an chhawr theih nan chak taka hmalak mek a nih thu a sawi a. July thla chu Anti-Dengue Month ni mahse, July thla-ah chauh loh pawh Dengue do hna hi kan thawh a \ul thu sawiin, “Inven hi tihdam aiin a hlu zawk tih thufing-ah kan hmu a, chuvang chuan natna chi hrang hrang te kan kai mai loh nan invenna lam kan uar a, kan ngaih pawimawh a \ul takzet a, In leh a vel vawnfai te, Thosilen zan mutna a zar \hat te kan tih ngei tur a ni, a ti bawk.
He huna tarlan anih dan chuan Dengue natna hi Dengue pai Thosi in mi a seh a\angin ni 5-6 ah a langchhuak \hin a. Dengue natna lanchhuah dan tlangpuite chu Khawsik sang tak, Ruh leh tihrawl na, Mit mu na leh khaweng-a men harsa, Taksa peng \henkhat a\anga thichhuak,Thak, bawlsen \ek \ek leh vual, Lu na leh luak te a ni. Dengue thlentu Thosi te hi mihring chenna bul vela cheng ve leh khawsa ve \hin an nih avangin fimkhur a ngaih thu tarlan a ni bawk. Kumin (2019) January a\anga June thla thleng khan mi 146 en tawh ah mi 10 in Dengue an vei tawh a, Dengue avanga thi erawh an awmlo tih he hunah hian tarlan a ni bawk.
He hunah hian Japanese Enciphalitis(JE) natna chungchang pawh tarlan niin, Mizoram ah he natna vei an la awmlo a, \henawm State ah erawh vei an awm avangin inpuahchahna kalpui a ni tawh tih tarlan a ni bawk.

Comments

Popular posts from this blog

PAN CARD an tih teh fo hi - Laldinpuia