India Freedom Fighter Darthawma vuiliam a ni

India in zalenna a sual laia India sipai (Freedom Fighter), Darthawma, Lunglei Chanmari ami chu nimin zing khan boralin vuiliam nghal a ni.
Kum 99-a upa Darthawma hi May 15, 1921-ah a piang a. Hetih hunlai hian India chu British awpna hnuaiah la awmin kum 1939-a indopui-II na a lo chhuah hnu kum 1940 khan midang 17 te nen Indian Army Medical Corps-ah lutin Japan rál bei turin Malaysia thliarkar pakhat, Penang-ah a kal a ni. Indopui-II na a tawp hnu khan British sipai dolêt tur leh India tana zalenna sual turin Subhash Chandra Bose-a din, Azad Hind Fauj (Indian National Army) a zawm leh a, kum 3 chhung Indian National Army-ah hian awmin British sipai te chuan British kalh zawng a che ah puhin an man ta a, Singapore Jail-ah khung niin chumi hnuah thla 14 chhung chu Lucknow leh Chittagong Jail-ah te a táng leh a, January 15, 1945-ah chhuah a ni a. India sawrkar chuan kum 1972 khan Darthawma hnenah hian chawimawina ropui, ‘Tamrapatra’ chu hlanin hemi kum-a India Independence Day-ah Chief Minister, Ch. Chhunga’n a hlan a, Tawlhloh puan a pek a ni bawk a ni.
Darthawma hi a kum a upat hnuah hrisel lohna hrang hrangten a tlakbuak a, kum 15 chhung vel pawn chhuak theilo in a awm tawh a, kum 2006 khan ‘Zalenna lamtluang’ tih lehkhabu a ziah chu tihchhuah a ni bawk a. A damlohna hi enkawl zelin nimin zing khan Lunglei Civil Hospital-ah boral zuiin a fate 6, a tu 19 leh tuchhuan 28 a kalsan a ni.

Comments

Popular posts from this blog

PAN CARD an tih teh fo hi - Laldinpuia