Ruatkima’n fiamthu thawh nan hmang lo turin ti

I&PR Minister, Lalruatkima chuan tunhnaia Party pakhat hruaitute thusawi chuan ram hmasawnna lam a kawk lo hle tih sawiin, “Vision sawi tur pawh neilo, Vision pawh nei peih lovin mipui te'n duh taka Chief Minister atan an dah hi fiamthu thawh nan hmang tawh lo turin thurawn kan pe a ni,” a ti.
Nimin-a Aizawl Mizo Hnam Run-a MNF Chhung Inkhawm neih ah I&PR Minister, Lalruatkima hian thu sawiin Mizoram Chief Minister, Zoramthanga chuan kan ram hmasawnna tur hian a ngaihtuahna tak tak a seng tih sawiin, Vision \ha tak a neih thu a sawi a. “Tuna kan ram hruaitute hi a fing ber leh a \ha ber chu an ni kher lovang, mahse thil \ha tih duh leh tumna an nei lian hle a, tun chin maiah pawh hian hmuh theihin ramin hma a sawn mek a ni,” a ti.
Congress hruaitute chu Ram leh hnam tana thil\ha lo tam tak an tih avanga mipuiin an hnawl tawhte an ni tih pawh sawiin Lalruatkima chuan, “Tuna an hruaitu thar pathum an tlarte hi beisei tur an awm lo hle. An hruaitu thar thlan danah pawh Congress hian mipui hnawl an nih avanga insiam\hat tumna a lang lo chiang hle,” a ti a. Congress hotute'n MNF chu term pawh chelh zo lo tur anga an sawi chu chhangin, “MNF hnathawh ropui tak tak an hmu a, an mi leh sa in MNF an zawm nasa lutuk tur uibeh nan hetiang thu hi an sawi mai mai a ni,” a ti bawk.
I&PR Minister chuan sawrkar hmasa khan Manifesto an neih ve thu leh PRISM in an enzui thu sawiin, “An term tawp thleng khan tihhlawhtlin an nei mang lo,” a ti a. Congress Party-in an hunlaia an tih theih loh zirtirtu \hahnem tak lak thar tur chu sawihnawmna tur an zawng tih pawh sawiin, “Zirlai lehkhathiam hna nei lo sangkhat dawnin hna thar an neih phah dawn a. Chu mai ni lovin thingtlang lam Sikul-te'n zirtirtu \ha tak 'qualified teachers' ngei an nei ve tawh dawn a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia