Serchhip-a Self-Help Group ten an hnathawh dan tur leh Faina chungchang an zirho

Serchhip-a Urban Development & Poverty Alleviation Department chuan nimin khan an hnuaia Self-Help Group te kokhawmin an hnathawh dan tur chungchang zirhona neiin Faina chungchang zirhona an nei dawn.

Serchhip Auditorium-a Self-Help Group Training-cum-Cleanliness Awareness Campaign hi Serchhip District Urban Development Officer, Vanthangpuii chuan kaihruaiin Self-Help Group ten chak taka hna an thawh theihna turin NGO thawhpui an neih \hin thu leh a hmaa CodNerc an thawhpui \hin chu an hun a tawp hnuah tunah hian Goodwill Foundation an thawhpui tawh dawn thu sawiin, Goodwill Foundation hnuaiah hian Facilitator mi 4 leh Coordinator mi pakhat lak an nih tawh thu a sawi a. Heng mite nen hian inhmelhriatna \ha an neih theih nan leh Solid Waste Management Rules 2016 zirhona nei nghal turin he hun hi buatsaih a nih thu a sawi a. UD&PA Department hmalakna hnuaiah Self-Help Group hi din mawlh mawlh a nih thu leh tunah chuan ti tak tak peihlo te pawh an lan \an thu sawiin, hna thawk mumal lo te an awm tawh avangin heng mite chungchang pawh hi ngaihtuah thar a \ul thu a sawi bawk.

He hunah hian Grace Lalrinfeli, Manager, Skill Development & Infrastructure chuan Self-Help Group te hmalakna chungchanga sawifiahin, SHG te \anpui turin sawrkar in NGO a rawih sak \hin angin tunah hian Goodwill Foundation rawih an nih dawn thu leh Facilitator ten an bial chan tur \heuh te a sawi a, SHG te hian an Facilitator te chu an hnathawh dan an hriattir \hin dawn thu leh an rawn theih dawn thu sawiin, Meeting an neih pawha hriattir tur leh an telpuite chu mumal taka chhinchhiahin, Office lamah an lo enfiah leh \hin tur thu a sawi bawk. Ani bakah hian Lawmzuali, Manager, Skill & Micro Enterprise pawhin Self-Help Group te tana ham\hatna awm te sawifiahin, SEP hnuaiah mimal, Group leh SHG te tan Loan an pekchhuah \hin thu leh Skill Training pawh chi hrang hrang buatsaihin tunah hian buatsaih leh tum mek a nih thu a sawi a, Skill Training an buatsaih a\ang hian mi tam takin eizawnna an neih phah tawh thu a sawi bawk.

Nimin a he hun hmanna ah hian Govt. Serchhip College-a Asst. Professor, C. Lalramliana chuan Solid Waste Management Rules 2016 chungchang zirtirin, a bikin Polythene hman fimkhur a \ul thu a sawi a. Polythene chu kan khawsak phungah kan hman nasat tak a nih thu sawiin, amaherawh chu \awihral mai thei a nih loh avang leh halral a nih pawhin mihring tana \halo boruak pechhuak thei a nih avangin hman loh a him ber thu a sawi a. Self-Help Group Member-a a tam ber te chu chhungkua a nu ber an nih avangin hman tlem zir tur leh midang zirtir chhawng zel turin a chah bawk. Serchhip-a UD&PA Department hnuaiah hian Self-Help Group hi 113 din ni tawhin he zirhona hunah hian Self-Help Group member mi 300 vel zet an tel a ni.