Latest News

ZPM |halai ten Education Minister bang turin duh

ZPM |halai chuan School Education Minister, Lalchhandama Ralte chu zirlaite hmakhua ngaia bang ngam se an duh thu an sawi.
Inrinni a thuchhuah an siamah ZPM |halaite chuan Zoramthanga kaihhruaia Sawrkar thar, beiseina sang tak nena mipuiin an thlir mek chuan thla ruk (6) a tling awrh tihah tunlaia ram hruaitu chin chuan an tih duhloh tawp tura an ngaih, Primary leh Middle School zirtirtu (MR Skilled - II a) a lakna turah MTET pass/clear lo leh Computer proficiency certificate nei lo mai ni lo, written exam pawh buatsaih lova, Interview chiah hmachhawna lak an tum chu Mizoram zirna nasa taka pawngsualna ah an ngai tih an tarlang a. Primary School Teacher 817 leh Middle School Teacher 64 lai mai lakna tur Advertisement hi Directorate of School Education website-ah tarchuah a ni tih pawh tarlangin, MTET Certificate leh Computer proficiency certificate an neih theih nana theihtawp chhuaha hlawhtling \hahnem tak an awm lai leh, Written Exam hmachhan thei tura an inbuatsaih mek laia hetianga mawlmang lutuka Zirtirtu lak tum a ni chu pawi an tih thu an tarlang.
Hei bakah hian ZPM |halai thuchhuah chuan MZP President a nih laia Mizoram zirna in hma a sawn theih nana lo auchhuak \hin, Lalchhandama Ralte in Mizoram zirna siam\ha thei tura thuneihna sang ber, School Education Minister nihna a chelh hnua a hmalakna lian ber tih theih turah hetiang thil a thleng ta hi Mizoram tan chuan thil vanduaithlak tak a nih thu pawh tarlangin, tuna zirtirtu lakna turah School Education Minister-in Politics a induhsakna a awm loh tur thuah 'Assurance' a pek theih loh avangin School Education Minister, Lalchhandama Ralte chu zirlaite hmakhua ngaia School Education Minister a nihna a\anga bang ngam tur an duh thu leh an ngen thu an tarlang a ni.

Comments

Popular News (Last 30 Days)