DIG (NR)-ah thubuai ziahluh zat tlahniam

Thubuai ziahluh-ah inrawk leh rukruk thubuai a tam

Mizoram Police DIG (Northern Range) huamchhungah May, 2017 a\anga June, 2018 (thla 12 chhung) aiin May, 2018 a\anga June, 2019 (thla 12 chhung) in thubuai ziahluh 333 zetin a tlem zawk a. Thla kalta thla 12 chhung khan rukruk leh inruk thubuai ziahluh a tam thu leh mihring hmanga sumdawnna ah fimkhur a \ul thu sawilan a ni.

Mizoram Police DIG Northern Range in a huamchhunga District hrang hrang- Aizawl, Champhai, Serchhip, Kolasib leh Mamit-a SP te leh SP Traffic bakah MAP leh IR-a Commandant te chuan nimin khan DIG (NR), Lalbiakthanga Khiangte, IPS hovin Crime Review and Law & Order Meeting chu G.S. Arya Mess, Police Headquarters-ah an nei a. He hunah hian DIG (NR), Lalbiakthanga chuan Mizoram \halaite nuna harsatna lian leh lar tak chu ruihhlo chi hrang hrang hluar chho zel a ni tih sawiin, heng ruihhlo zingah hian Zu mai piah lamah No. 4 (Heroin) leh ruihhlo dangte a tel thu sawiin, “Ruihhlo tawlhtuten an paltlang ram kan nih avangin heng hi kan tuar nasa hle a, Law Enforcement Agency-te chuan theihtawp an chhuah chungin tihrem theih a ni lo a, YMA, VDP leh pawl dangte nen hmalakna siam tih makmawh anih avangin SP tin ten mahni District huam chhungah tha thlah lova tlawmngai pawlte nen theihtawp chhuah a ngai a ni,” a ti.

DIG (NR) chuan ram a changkan ang zelin sualna pawh a pung chho tih sawiin, tunhma a kan hriat ngai loh mihring hmanga sumdawnna (Human Trafficking) hialin min chim chho ta tih sawiin, “Tunhnaiah kan ramchhungah Myanmar Rakhine State a\anga lokal Rohingya mite leh Nepal a\anga Gorkhali-te man an ni a, anmahni \awngka a\anga hriat danin an duhthlanna pawh ni lovin mihring hmanga sumdawnna beituten an thlem chhuah niin a lang,” tiin retheihna avanga sum hmanga thlemna leh bumna tawk an nih thu leh hetiang laka fimkhur tura inzirtir leh inkawhhmuh a \ul thu a sawi bawk.

He hunah hian May, 2017 a\anga June, 2018 leh nikum (2018) May a\anga kumin June chhunga thubuai ziahluh dan dinhmunte zirho niin nikum hmasa May a\anga nikum June thlengin thubuai (case) 2146 ziahluh a nih laiin, kum kalmek-a hemi hun chhung hian thubuai 1813 ziahluh a ni thung a, nikum aiin thubuai ziahluh hi 333-in a tlem a, hei hi za zelah 15.51% a tling a ni.

He huna tarlan a nih danin kumin hian rukruk thubuai 605 ziahluh niin Inrawk thubuai 353 ziahluh a ni a, taksa intihnatna lam thubuai 36 ziahluh niin Pawngsual thubuai 55 ziahluh a ni bawk. Heng bakah hian tualthah thubuai pawh 17 ziahluh niin Hmeichhe khawih chingpen thubuai 36 ziahluh a ni a, POCSO hnuaiah thubuai pawh 84 lai ziahluh a nih bakah ruihhlo khuahkhirhna Dan, ND&PS Act hnuaiah thubuai 116 ziahluh a ni bawk.